“O‘zbekko‘mir” aksiyadorlik jamiyati o‘tgan yildan boshlab zamonaviy yangi kon texnialari ola boshladi.

“Avtomobil-texnologik transporti” filiali rahbari Arman Smagulovning ma’lumot berishicha, hozirgacha Yaponiyada ishlab chiqarilgan 90 tonna yuk ko‘tarish quvvatiga ega 22 ta “Kamatsu” avtosamosvallari qabul qilib olindi. Ayni paytda xuddi shunday texnikalar kelishi kutilmoqda. Umuman korxonaga 44 ta samosval kelishi kerak. Ushbu mashinalarning birinchi partiyasi allaqachon katta yig‘ilib, ulardan “Angren” konida keng foydalanilmoqda.

Shu bilan birga yangi texnikalarga zarur uskunalar, ehtiyot qismlar va butlovchi qismlar xarid qilinmoqda. Kon ichki yo‘llari kengaytirilib, yangi mashinalar harakatlanishi uchun moslashtirilmoqda.

Albatta, yangi kon texnikalari keltirish, yig‘ish va ishga tushirish, bu texnologik jihatdan ancha murakkab jarayon. Balandligi uch qavatli binoday keladigan “Kamatsu” avtosamosvallarining bittasi bu yerga beshta vagonda va qismlarga ajratilgan holda yetkazib berildi.

Bugungi kungacha filial takribidagi 2-sonli avtobazasining texnik parki uchta yangi olti kubometrli yuk ko‘taruvchi mashinalar, oltita kuchli zanjirli buldozer, bitta yo‘l ta’mirlash texnikasi – avtogreyder va ikkita yoqilg‘i tashuvchi avtoransport vositasi bilan to‘ldirildi. Korxonaga yana to‘rtta zamonaviy buldozer, shuningdek, “KamAZ” avtosamosvali va 45 o‘rinli avtobus yetkazib beriladi.

Diana ANDREEVA