Kuz-qish mavsumiga tayyorgarlik ko‘rish, favqulodda vaziyatlarning oldini olish va energetika sohasi ob’ektlarining mavsumiy barqarorligini ta’minlash maqsadida hududlarda maxsus o‘quv mashg‘ulotlari va amaliy tadbirlar o‘tkazilmoqda.

O‘quv mashg‘ulotlari davomida energetika ob’ektlarida favqulodda vaziyatlar, texnogen avariyalar va yong‘inlar yuzaga kelganda mas’ul xizmatlarning harakatlari, kuch va vositalarning shayligi hamda o‘zaro hamkorlik darajasi o‘rganilmoqda. Shuningdek, ob’ekt rahbarlari va mutaxassislariga favqulodda vaziyatlarning oldini olish, fuqaro muhofazasi va yong‘in xavfsizligi bo‘yicha uslubiy yordam ko‘rsatilmoqda.

Ushbu tadbirlarda “O‘zbekko‘mir” AJ Fuqaro muhofazasi va favqulodda vaziyatlar bo‘limi mutaxassislari ham faol ishtirok etmoqda. Mutaxassislar amaliy mashg‘ulotlar jarayonida energetika ob’ektlarining favqulodda vaziyatlarga tayyorgarlik holatini o‘rganish, aniqlangan kamchiliklarni bartaraf etish bo‘yicha tavsiyalar berish va zarur chora-tadbirlarni belgilashda ishtirok etmoqda.

Bunday o‘quv mashg‘ulotlari kuz-qish mavsumini xavfsiz va barqaror o‘tkazish, favqulodda vaziyatlarning oldini olish hamda yuzaga kelishi mumkin bo‘lgan holatlarga tezkor va samarali javob qaytarishga tayyorgarlikni yanada kuchaytirishga xizmat qiladi.

O‘quv mashg‘ulotlarining borishi va amaliy jarayonlar ‒ videorolikda.

https://t.me/uzbekcoaluz/18294