Ўзбекистон Республикаси Президентига Халқ қабулхонаси орқали Фарғона вилояти Фурқат туманидаги Ҳайит қишлоғида яшовчи 73 ёшли фуқаро Зулфинисо Абдураҳмоновадан кўмир хариди масаласида мурожаат келиб тушган.

Ўзбекистон Республикаси Президентига Ишонч телефони орқали Фарғона вилояти Данғара тумани Чинобод қишлоғи Гулдиёр кўчасидаги 88-уйда истиқомат қилувчи 76 ёшли фуқаро Иброҳим Ўктамовдан юборилган мурожаат ҳам айнан шу мавзуда.

Ушбу мурожаатлар "Кўмир таъминот" МЧЖ Фарғона вилояти филиали мутасаддилари томонидан жойига чиқиб ўрганилганида, ҳақиқатда мурожаатчилар куз-қиш мавсумида кўмирга муҳтожлиги тасдиқланди. Мурожаатчиларга аҳолини жорий куз-қиш мавсуми учун маҳаллий кўмир билан таъминлаш ишлари ҳали бошланмагани, улар октябрь ойигача етарли кўмир билан таъминланиши тушунтирилди.

Маълумот учун, "Кўмир таъминот" МЧЖ аҳоли истеъмолчиларига 2022/2023 йиллар куз қиш мавсуми учун ҳудудий кўмир омбори ва шахобчалари орқали кўмир тарқатишни шу йилнинг 15 сентябридан эътиборан оммавий тарзда бошлашни режалаштирган.

Таклиф ва мулоҳазалар учун "Ишонч телефон"лари:

"Кўмир таъминот" МЧЖ  - 71-244-38-28.
"Ўзбеккўмир" АЖ - 78-148-30-03.

"Ўзбеккўмир" АЖ Ахборот хизмати