"Oʻzbekkoʻmir" AJ ijro apparatida "Kadrlar xizmati faoliyatida qonun hujjatlari talablariga rioya qilish hamda mehnatga oid hujjatlarni rasmiylashtirish" boʻyicha oʻquv-mashgʻulotlari oʻtkazilmoqda.
 

"YURIST VA KADR" nodavlat taʼlim muassasasi oʻquv markazi mutaxassislari tomonidan olib borilayotgan mashgʻulotlarda jamiyat tarkibidagi barcha filiallarning xodimlar bilan ishlash boʻlimi xodimlari ishtirok etmoqdalar.

Personallarni boshqarish va kadrlarni tayyorlash boshqarmasi boshligʻi N.M.Yuldashevaning maʼlumot berishicha, oʻquv kursi oʻttiz olti soatlik oʻquv dasturi asosida 2  hafta davom etadi. Bugun, mashgʻulotlarning birinchi kunida tinglovchilar xodimlarni kasbga tayyorlash, qayta tayyorlash va malakasini oshirish, ayrim toifadagi xodimlarga berilgan qoʻshimcha kafolatlar va imtiyozlar xususida maʼruzalar tingladilar. 

Kunning ikkinchi yarmida mashgʻulotlar ayrim toifadagi xodimlarga berilgan qoʻshimcha kafolatlar va imtiyozlar mavzusi boʻyicha davom etmoqda.

Olti kunga moʻljallangan oʻquv mashgʻulotlarida xodimlar boʻlimlari mutaxassislarining mehnat qonunchiligidagi yangiliklar boʻyicha malakasi oshiriladi.

Oʻquv yakuniga koʻra tinglovchilarga sertifikat topshiriladi.