2023-yil davomida “O‘zbekko‘mir” AJga jami 400 ta murojaat kelib tushgan bo‘lib, ularning shundan 27 tasi (6,7%) yuridik shaxslarga, 373 tasi (93,3%) jismoniy shaxslarga to‘g‘ri keldi.

O‘zbekiston Respublikasi Prezidenti Ishonch telefoni orqali 335 ta murojaat kelib tushgan, shundan, 92 (23%)tasi qanoatlantirilgan, 98 (24,5%)tasiga tushuntirish berilgan, 16 tasi rad etilgan (4%). Jumladan, ish haqining o‘z vaqtida berilishini so‘rab 25 ta, mehnat munosabatlari masalasida 66 ta, boshqa turli masalalar bo‘yicha 42 ta, sifatli ko‘mir mahsuloti yetkazib berish bo‘yicha 105 ta, moddiy yordam berilishini so‘rab 20 ta, rahbarlar harakati ustidan norozi bo‘lib 77 nafar murojaat kelib tushgan.

Yil davomida mehnat munosabatlari bo‘yicha 203 ta (50,7%) ko‘mir yetkazib berish va sifati bo‘yicha 98 ta (24,5%), oylik maosh masalalari bo‘yicha 14 ta (3,5%), moddiy yordam masalasi bo‘yicha 12 ta(3%) va turli masalalar bo‘yicha 35 ta (8,7%)ni tashkil etdi.

Jamiyat bosh direktori ko‘rsatmasi asosida tashkil etilgan ijro apparati mas’ul xodimlari hisobidan tashkil etilgan ishchi guruh tomonidan tarkibga kiruvchi filiallarda 13 marta sayyor qabullar tashkillashtirildi va xodimlarni og‘zaki murodaatlari va sovollari tinglandi tegishli choralar belgilandi.

Hal bo‘lmayotgan muammolar bo‘yicha “O‘zbekko‘mir” AJ “Ishonch” telefoniga 30 ta murojaat kelib tushdi va ularning deyarli barchasi o‘z yechimini topdi.

“O‘zbekko‘mir” AJ matbuot kotibi bilan birgalikda jamiyat rasmiy telegram-botiga kelib tushgan murojaatlarni o‘rganish mobaynida aniqlangan kamchiliklar bo‘yicha, ko‘pchilikka namuna bo‘lishi mumkin bo‘lgan holatlar “O‘zbekko‘mir” AJ telegramm kanalida va “O‘zbekko‘mir” sohaviy gazetasida maqola ko‘rinishida yoritib borildi.

Tahlillarga ko‘ra, 2023-yil  davomida  mexnat munosabatlari bo‘yicha murojaatlar soni oshdi. Sababi ish so‘rab murojaat qilayotgan aholi soni ortib bormoqda, fuqarolarni aksariyat qismi qo‘shni davlatlarda ishlab kelgan, bugungi kundagi sodir bo‘layotgan noxush voqealar tufayli chet elga ishga borish kamaygan. Murojaat qilayotganlarning asosiy qismi Angren shahrining yirik korxonalarida ishlash ishtiyoqida, ularni ishga joylashtirish uchun vakant joylar yetishmayapti, shunga qaramay aholini ijtimoiy himoyaga muhtoj bo‘lgan qismini ishga joylashtirish bo‘yicha bir qancha ishlar amalga oshirildi.

Malika Nazarova,

 “O‘zbekko‘mir” AJ ijro apparati murojaatlar bilan ishlash yetakchi mutaxassisi