“O‘zbekko‘mir” AJ: korrupsiyaga qarshi kurashish tizimi takomillashtirilmoqda
Nashr qilingan sana: 30.05.2025 15:47:36O‘zbekiston Respublikasi Prezidentining 2025-yil 21-aprel kuni qabul qilingan “Davlat organlari va tashkilotlarining korrupsiyaga qarshi ichki nazorat bo‘linmalari mustaqilligini ta’minlash hamda faoliyati samaradorligini oshirish chora-tadbirlari to‘g‘risida”gi PQ–147-sonli qarori ijrosini ta’minlash maqsadida, “O‘zbekko‘mir” aksiyadorlik jamiyati Bosh direktori tomonidan 197-sonli buyruq imzolandi.
Buyruqqa asosan, “O‘zbekko‘mir” AJda 1 nafar bo‘lim boshlig‘i va 1 nafar bosh mutaxassisdan iborat Kuzatuv kengashiga bo‘ysunuvchi va unga hisobdor bo‘lgan “Korrupsiyaga qarshi komplaens-nazorat bo‘limi” tashkil etildi. Bu bo‘lim mustaqillik tamoyili asosida faoliyat yuritib, Jamiyatdagi barcha korrupsiyaga qarshi chora-tadbirlarni muvofiqlashtiradi.
2025-yil 1-iyundan boshlab, Jamiyatning quyidagi filiallarida “korrupsiyaga qarshi kurashish bo‘yicha yetakchi mutaxassis” lavozimi joriy etiladi:
▪️“Angren ko‘mir koni” filiali
▪️“Shaxta usulida ko‘mir qazib olish” filiali
▪️“Apartak ko‘mir koni” filiali
▪️“Temiryo‘l transporti” filiali
▪️“Avtomobil texnologik transporti” filiali
▪️“Energetika va texnologiya tarmog‘i” filiali
▪️“Qurilish-montaj ishlari” filiali
▪️“Tog‘-transport uskunalarini sozlash zavodi” filiali
▪️“Moddiy texnik ta’minot va ijtimoiy soha” filiali
▪️“Ko‘mir ta’minot” MChJ
Shuningdek, “Geologiya qidiruv ekspeditsiyasi” va “Kapital qurilish” filiallarida mazkur vazifalar kadrlar bilan ishlash bo‘yicha mutaxassislarga yuklatildi.
Jamiyatda tashkil etiladigan yangi lavozimlarga xodimlarni tanlash, ularni ishga qabul qilish belgilangan tartib asosida amalga oshiriladi. Barcha mas’ullar, jumladan Jamiyat apparati va filiallardagi mutaxassislar, korrupsiyaga qarshi agentlikda hamda boshqaruv apparatida ikki haftalik malaka oshirish kurslarini o‘tashlari belgilandi.
Buyruq bilan belgilab qo‘yildiki, korrupsiyaga qarshi komplaens-nazorat bo‘limiga faqat Prezident qarori, sohaviy buyruqlar va belgilangan vazifalar doirasida faoliyat yuritish yuklatildi. Qo‘shimcha funksiya va vazifalarni yuklatishga yo‘l qo‘yilmaydi.
Ushbu muhim tashabbus “O‘zbekko‘mir” AJda shaffof, samarali va halol boshqaruvni yo‘lga qo‘yish, sohada ishonchli muhit yaratishda katta ahamiyatga ega. Korrupsiyaga qarshi kurashish faqat yuridik talab emas, balki har bir xodimning vijdon, mas’uliyat va halollikka asoslangan shaxsiy pozitsiyasi sifatida shakllanishi zarur.
Oxirgi yangiliklar:
Angren ko‘mir konida ona tiliga bag‘ishlangan tadbir o‘tkazildi
«O‘zbekko‘mir» AJ Angren ko‘mir koni filialida o‘zbek tiliga davlat tili maqomi berilgan kun munosabati bilan ma’naviy-ma’rifiy tadbir tashkil etildi. Tadbirda O‘zbeki...
O'qish
Iste’molchi: “Ko‘mirning sifati ham, narxi ham ma’qul, uyga yetkazib berish xizmati ham bor”
Kuz-qish mavsumi oldidan tabiiy gaz yetib bormagan hududlar aholisini ko‘mir bilan ta’minlash dolzarb masalalardan biri. Namangan viloyatida bu yo‘nalishda sakkiz naf...
O'qish
Operatsion samaradorlik va mehnat unumdorligini oshirish masalalari muhokama qilindi
Joriy yilning 14-sentabr “O‘zbekko‘mir” aksiyadorlik jamiyatida operatsion samaradorlik va mehnat unumdorligini oshirishga qaratilgan tashabbuslarni amalga oshirish y...
O'qish
“O‘zbekko‘mir” AJ vakili “Rossiya energetika haftaligi ‒ 2026” xalqaro forumida ishtirok etmoqda
2026-yil 14–16-oktabr kunlari Moskva shahrida ”Rossiya energetika haftaligi ‒ 2026” IX xalqaro forumi bo‘lib o‘tmoqda. Yoqilg‘i-energetika sohasidagi muhim xalqaro tadbir...
O'qish