“O‘zbekko‘mir” AJ xalqaro ekologik ko‘rgazmada ishtirok etdi
Nashr qilingan sana: 04.06.2026 19:14:31
2026-yil 2–4-iyun kunlari Samarqand shahrida Global ekologik jamg‘armaning 8-assambleyasi hamda “Eco Expo Central Asia – 2026” xalqaro ko‘rgazmasi bo‘lib o‘tdi. Mazkur nufuzli xalqaro tadbirda “O‘zbekko‘mir” AJ Ekologiya bo‘limi mutaxassislari ham faol ishtirok etdi.
Ko‘rgazma davomida atmosfera havosini muhofaza qilish, sanoat chiqindilarini boshqarish, oqova suvlarni tozalash, avtomatik monitoring tizimlari, chang-gaz tozalash uskunalari hamda ESG (Environmental, Social, Governance) tamoyillarini joriy etish yo‘nalishlaridagi ilg‘or texnologiyalar va innovatsion yechimlar bilan yaqindan tanishildi.
Xususan, zamonaviy avtomatik atmosfera havosi monitoring stansiyalari, sanoat korxonalari uchun mo‘ljallangan chang-gaz tozalash uskunalari, biologik oqova suvlarni tozalash texnologiyalari hamda ekologik sertifikatlash tizimlari o‘rganildi. Mutaxassislar tomonidan mazkur texnologiyalarni “O‘zbekko‘mir” AJ korxonalarida joriy etish istiqbollari yuzasidan qator uchrashuv va muzokaralar o‘tkazildi.
Ko‘rgazmaning muhim natijalaridan biri sifatida “O‘zbekko‘mir” AJ, “Auris Green Tech” MChJ hamda O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi milliy qo‘mitasining Toshkent viloyati boshqarmasi o‘rtasida hamkorlik memorandumi imzolandi. Mazkur memorandum doirasida korxonalarda avtomatik statsionar sanitar kuzatuv postlari va atmosfera havosi monitoring stansiyalarini o‘rnatish hamda ularni Ekologiya vazirligining monitoring markaziga integratsiya qilish bo‘yicha hamkorlik yo‘lga qo‘yiladi.
Shuningdek, “O‘zbekko‘mir” AJ va Davlat ekologik ekspertiza markazi o‘rtasida ham hamkorlik memorandumi imzolandi. Ushbu hujjat ekologik me’yoriy hujjatlarni sifatli ishlab chiqish, davlat ekologik ekspertizasidan o‘z vaqtida o‘tkazish hamda ekologik qonunchilik talablariga rioya etishni yanada takomillashtirishga xizmat qiladi.
Bundan tashqari, “Injener Texnolog Group” MChJ bilan imzolangan memorandum asosida chang-gaz tozalash uskunalarini joriy etish, tajriba almashish va qo‘shma loyihalarni amalga oshirish bo‘yicha hamkorlik aloqalari mustahkamlandi.
Mazkur xalqaro ko‘rgazmada ishtirok etish natijasida “O‘zbekko‘mir” AJ korxonalarida ekologik monitoring tizimlarini rivojlantirish, atmosfera havosiga tashlanayotgan ifloslantiruvchi moddalarni kamaytirish, ekologik xavfsizlikni ta’minlash hamda zamonaviy ekologik texnologiyalarni joriy etish bo‘yicha yangi imkoniyatlar yaratildi.
“O‘zbekko‘mir” AJ tomonidan atrof-muhitni muhofaza qilish, ekologik talablar ijrosini ta’minlash va zamonaviy ekologik texnologiyalarni joriy etish borasidagi ishlar izchil davom ettirilmoqda.
.jpg)
Oxirgi yangiliklar:
Barqaror rivojlaniş sari muhim qadam: “O‘zbekko‘mir” AJ ilk ESG hisobotini taqdim etdi
Bugun korxona faoliyatiga baho berişda faqat qança mahsulot işlab çiqarilgani yoki qança daromad olingani bilan çeklanilmaydi. Işlab çiqariş jarayonining atrof-muhitga ta...
O'qish
Oçiqlik − hisobdorlik va jamoat işonçi asosi
9 dekabr − Xalqaro korrupsiyaga qarşi kuraşiş kuni. Uşbu sana korrupsiyaning oldini olişda oçiqlik, şaffoflik va jamoatçilik nazoratining ahamiyatini yana bir bor eslatad...
O'qish
"O‘zbekko‘mir" AJning faol yoshlari Oliy Majlis faoliyati bilan tanishdilar
"O‘zbekko‘mir" AJning faol yoshlari Oliy Majlis faoliyati bilan tanishdilar "O‘zbekko‘mir" AJning bir guruh faol yoshlari O‘zbekiston Respublikasi Oliy Majlisiga...
O'qish
Brinfing: kondan xonadongacha: ko‘mir ta’minoti qanday kechmoqda?
Brinfing: kondan xonadongacha: ko‘mir ta’minoti qanday kechmoqda? 2026-yilda “O‘zbekko‘mir” AJ tomonidan 5,7 million tonna ko‘mir qazib chiqarish, shundan 1 milli...
O'qish