O‘zbekiston Respublikasi Prezidentining mamlakat mustaqilligining 35 yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risidagi Farmoniga muvofiq, «O‘zbekko‘mir» aksiyadorlik jamiyati xodimlari ham yuksak davlat mukofotlari bilan taqdirlandi.

Jumladan, «Mehnat shuhrati» ordeni bilan «O‘zbekko‘mir» AJ «Transport» filiali kran mashinisti Namazov Azamat Isamatovich mukofotlandi.

Shuningdek, «O‘zbekko‘mir» AJ «Transport» filiali buldozer mashinisti Imanov Baxodir Shakirovich «Shuhrat» medali bilan taqdirlandi.

Mazkur yuksak mukofotlar ko‘mir sanoati xodimlarining mamlakat iqtisodiyoti rivoji, ishlab chiqarish barqarorligi hamda soha taraqqiyotiga qo‘shayotgan munosib hissasiga berilgan yuksak e’tirofdir.

«O‘zbekko‘mir» AJ jamoasi mukofot sohiblarini ushbu sharafli e’tirof bilan samimiy muborakbod etib, ularga mustahkam sog‘liq, oilaviy farovonlik va kelgusi mehnat faoliyatida ulkan muvaffaqiyatlar tilaydi.