“Ўзбеккўмир” АЖ тасарруфидаги “Ангрен кўмир кони” филиалида фавқулодда вазиятларда ҳаракатланиш, муҳофазаланиш усуллари ҳамда биринчи ёрдам кўрсатиш мавзусида ўқув амалий семинари ўтказилди.

Ўзбекистон Республикаси Президентининг 2022 йил 30 майдаги ПФ-144-сон “Ўзбекистон Республикасининг сейсмик хавфсизлигини таъминлаш тизимини янада такомиллаштириш чора-тадбирлари тўғрисида”га Фармони ижросини самарали амалга ошириш мақсадида ташкил этилган тадбирда мазкур Фармон мазмун-моҳияти бўйича тушунчалар берилди.

Фавқулодда вазиятларда, хусусан, зилзила пайтида унинг объектларга бўлган зарар ва тасири, унинг неча балл бўлишига қараб, ҳудудларда бино иншоатларни вайрон бўлиши ҳамда зилзила оқибатида ёнғин ва портлашлар келиб чиқиши, улардан муҳофазаланиш усуллари тўғрисида сўз юритилди. Бундай фавқулодда вазиятларда ҳаракатланиш, биринчи ёрдам кўрсатиш бўйича тавсиялар берилди.

Тадбирда “Ўзбеккўмир” АЖ Бош муҳандиси З.Ў.Иномхўжаев, Фуқаро муҳофазаси ва Фавқулодда вазиятлар бўйича бош мутахассиси Ў.Т.Иноятов, Саноат хавфсизлиги Давлат қўмитаси ҳарбийлаштирилган кон-қутқарув қисмининг 2-Алоҳида ҳарбийлаштирилган кон-қутқарув взводи тезкор ишлаш бўйича командир ёрдамчиси А.Т.Исмаилов ва бошқалар иштирок этди.