Shaffoflik sari yana bir qadam
Nashr qilingan sana: 10.01.2023 04:27:36
"Oʻzbekkoʻmir" AJ filiallarida mavjud boʻsh ish oʻrinlariga oʻtish uchun korxona rasmiy veb- saytidan ariza topshirgan ishchilarning nomzodlari oʻrnatilgan yangi sistema boʻyicha koʻrib chiqildi.
2022 yilda ishga tushirilgan yangi tizim oshkoralik va korrupsion omillarni minimallashtirish tamoyillari asosida ishlab chiqilgan boʻlib, sayt orqali ariza yuborgan 100 dan oshiq nomzoddan 12 tasining hujjatlari tanlangan vakansiya talablariga mos keldi. Barcha bosqichlardan muvaffaqiyatli oʻtgan 6 nafar nomzod tanlagan boshqa ishga oʻtishi boʻyicha komissiya aʼzolari tomonidan ijobiy qarorlar qabul qilindi.
Men ushbu sinov jarayonlarini kuzatib, shu narsaga amin boʻldimki, maʼmuriyat masʼullari bu borada katta ishlar amalga oshirilmoqda va korruputsiyaga qarshi kurashishni taʼminlashda yana bir qadam olgʻa quyilmoqda.
Ikki bosqichda oʻtkazilgan sinovlarda 12 kishi qatnashdi. Birinchi bosqichda talabgorlar test topshirdilar, undan muvaffaqiyatli oʻtganlar komissiya aʼzolari bergan savollarga javob berib oʻz bilimlarini namoyish qildilar.
"Angren" koʻmir koni ekskavator mashinisti yordamchisi Eldor Sarmanov ekskavator mashinisti lavozimiga nomzod sifatida barcha savollarga aniq javob berib, sinovda eng yuqori natijaga erishdi, "Qurilish montaj ishlari" filiali qorovuli Shavkat Haytmatov elektron sayt orqali "Angren" koʻmir koni tomonidan qoʻyilgan vakant lavozim ‒elektr chilangarlikda oʻzini sinab koʻrib, sinovdan muvaffaqiyatli oʻtdi va shu kasbda ishlash uchun yoʻllanmani qoʻlga kiritdi.
"Temir yoʻl transporti" filiali bosh muhandisning texnika xavfsizligi boʻyicha oʻrinbosari lavozimiga shu filial temir yoʻl ustasi Azim Eliboyev oʻz nomzodini ilgari surgan edi. U test sinovidan aʼlo darajada oʻtdi va oʻzining nazariy bilimlari kuchli ekanligini koʻrsatib ushbu lavozimda ishlash boʻyicha komissiya yoʻllanmasini oldi.
Ushbu filialda Azim Eliboyevning akasi xizmat boshligʻi lavozimida ishlaydi. Shu boisdan Personallarni boshqarish va kadrlar tayyorlash boshqarmasi boshligʻi N.Yuldasheva unga manfaatlar toʻqnashuvining oldini olish yuzasidan kerakli maslahatlar berib oʻtdi.
Xodimlarni ularning oʻz xohishlariga koʻra kasbdan kasbga oʻtkazish boʻyicha sinov natijalaridan hech kim norizo boʻlmadi, nazarimda. Sababi, hammasi ularning oʻz bilimiga bogʻliq ekanligini oʻz koʻzlari bilan koʻrishdi. Endilikda ishga qabul jarayonini ham huddi shunday ‒ ikki bosqichli sinov tarzida yoʻlga qoʻyish maqsadga muvofiq. Ana shunda hech qanday ortiqcha gap-soʻzlarga hojat qolmaydi. Jamiyat filiallari jamoalari bilimli, tajribali va mehnatkash xodimlar hisobidan shakllanadi.
Qutlugʻ Teshaboyev,
"Oʻzbekkoʻmir" AJ murojaatlar bilan ishlash boʻyicha yetakchi mutaxassis
Izohlar
ZAP
22.11.2025 20:48:05ZAP
22.11.2025 20:48:05ZAP
22.11.2025 20:46:29Djemaletdinov Kamronbek Ruslanovich
14.10.2025 19:10:15Djuraev Farhod Rahimberdievich
18.07.2024 00:14:21Djuraev Farhod Rahimberdievich
18.07.2024 00:09:03Rahmonov Sardor Abdurashid oʻgʻli
10.06.2024 22:02:34Xolqulov Sanjar Abduvali o'g'li
25.03.2024 11:05:22Oxirgi yangiliklar:
Beshariqda ro‘yxatga olish bo‘yicha navbatdagi seminar tashkil etildi
Ma’lumki, jori yilning 15-yanvar-28-fevral kunlari mamlakatimizda aholi va qishloq xo‘jaligini ro‘yxatdan o‘tkazish tadbiri o‘tkaziladi. Bu tadbir aholi va qishloq...
O'qish
Birlashgan kasaba uyushmasi qo‘mitasi raisi A.M. Qayumovning bayram tabrigi
Sizlarni kirib kelayotgan 2026-yil — “Mahallani rivojlantirish va jamiyatni yuksaltirish yili” munosabati bilan chin qalbimdan tabriklayman. Jamiyatimizda yakunlanayot...
O'qish
“O‘zbekko‘mir” AJ bosh direktori N.U. Dusmatovning bayram tabrigi
Hurmatli ko‘mir sanoati xodimlari va faxriylari, aziz hamkasblar! Yakunlanayotgan yil mamlakatimiz ko‘mir sanoati uchun barqaror o‘sish va muhim natijalar bilan y...
O'qish
“O‘zbekko‘mir” AJ: korrupsiyaga qarshi islohotlar yangi bosqichda
Korrupsiya jamiyat va iqtisodiyot rivojiga jiddiy to‘siq bo‘luvchi, davlat boshqaruvi samaradorligiga putur yetkazuvchi xavfli illat sifatida mamlakatimizda davlat si...
O'qish