Shaxtada ishlash san’ati yoshlarga meros
Nashr qilingan sana: 06.02.2025 15:08:51“Shaxta usulida ko‘mir qazib olish” filiali “O‘zbekko‘mir” aksiyadorlik jamiyati tarkibidagi to‘ng‘ich korxonalardan biri bo‘lib, bu yerdan olinayotgan qattiq yoqilg‘i hech qanday begona aralashmalarsiz, sof mahsulotligi bilan ajralib turadi.
Konda bir oyda 5 ming tonnadan oshirib ko‘mir qazib olinmoqda. Rejalar doimo ortig‘i bilan bajariladi. O‘tgan yili ham konchilar reja-topshiriqlarini ortig‘i bilan uddalagan edilar.
‒ Hozirda konimizda bitta ko‘mir qazib olish uchastkasi ishlab turibdi, u mahsulot ko‘mir yetkazib beruvchi asosiy uchastka hisoblanadi. Ayni paytda yana bir yangi kon uchastkasini ishga tushirish tadorigi ko‘rilmoqda, ‒ deydi filial katta iqtisodchisi Latofat Mataeva.
Suhbatdoshimizga ko‘ra, filial rahbari Jahongir Mutalipov, bosh muhandis, Jamol Alimqulov, yer osti kon transporti bo‘limi boshlig‘i Ro‘zmat Shukurov, burg‘ulash va portlatish ishlari bo‘limi boshlig‘i Alisher Maqsudov va Yodgor Sattorovlardan iborat bo‘lgan bir guruh mutaxassislar, ushbu uchastka loyihasini 2020-yildayoq ishlab chiqishga kirishgan edilar. Hozirda bu yerda lahs qazish va boshqa yer osti ishlari bilan bog‘liq ko‘plab tadbirlar olib borilmoqda. Jarayonda filialga juda ko‘p yog‘och olib kelindi, ular asosan po‘stlog‘i va tugunlaridan tozalangan qarag‘aylar bo‘lib, ushbu yog‘ochlardan shaxta devor va shiftlarini mustahkamlashda keng foydalanilmoqda.
Korxonada eng muhim narsa ‒ intizom! Yer ostida ishlaydigan konchilar xavfsizlik qoidalariga qat’iy rioya etishlari shart. Shu boisdan ham har bir smena oldidan xavfsizlik bo‘yicha yigirma daqiqalik yo‘riqnoma o‘tkaziladi. Unda tajribali va yosh konchilar birday ishtirok etadi. Ular yer ostiga tushishdan avval tibbiy ko‘rikdan o‘tkaziladi.
Latofat Mataevaning ta’kidlashicha, korxonada “ustoz-shogird” tizimi namunali yo‘lga qo‘yilgan. Rahbariyat esa tizimning samarali ishlashini rag‘batlantirib keladi. Xullas, ustoz konchilar o‘zlarining yillar davomida egallagan yer ostida ishlash san’atini yoshlarga sidqidildan o‘rgatib, o‘zlariga munosib vorislar tayyorlashmoqda.
Izohlar
Oxirgi yangiliklar:

20 ming tup daraxt va buta ekiladi va parvarishlanadi
“Uzbekko‘mir” aksiyadorlik jamiyatida “Yashil belbog’” umummilliy loyihasi doirasida bahorgi daraxt ekish tadbirlari boshlab yuborildi. Jamiyat bosh dire...
O'qish
Milliy liboslar: tashabbus keng quloch yoymoqda
“O‘zbekko‘mir” aksiyadorlik jamiyatida haftaning har jumasi “Milliy liboslar kuni!” Shu munosabat bilan 14-mart kuni ham jamiyat ijro apparati va filiallar xo...
O'qish
Janubiy Koreya delegatsiyasi Angren ko‘mir konida
2025-yil 12-mart kuni Janubiy Koreyaning KOMIR, KIGAM va SOAM kampaniyalari delegatsiyalari “O‘zbekko‘mir” AJ mutaxassislari bilan uchrashdi. Uchrashuvda...
O'qish
“Angren” ko‘mir konida maxsus-taktik o‘quv mashqi o‘tkazildi
Joriy yilning 11-mart kuni “O‘zbekko‘mir” AJ “Angren ko‘mir koni” filialida “Favqulodda vaziyatlar sodir bo‘lganda ob’ekt tuzilmalarining shahar fuqa...
O'qish