Bugun Yaponiya Akita universitetining professori Atsushi Shibayama boshchiligida  18 nafar kishilik delegatsiya “O‘zbekko‘mir” AJda bo‘ldi. Delegatsiya tarkibida qo‘shni Tojikiston, Qozog‘istondan va Qirg‘iziston Respublikalaridan kelgan ikki vakil ham bor.

“Angren ko‘mir koni” filiali markaziy dispetcherlik punkti faollar zalida xorijiy hamkorlar bilan uchrashuv tashkil etildi. 
Bosh geolog E.Jo‘rayev  va bosh marksheyder T.Xudaynazarov ishtirokidagi uchrashuvda  mehmonlar jamiyati faoliyati, xususan, “Angren” koni tarixi va bugungi kuni, istiqboldagi rejalar va mavjud muammolar xususida batafsil tanishtirildi. 

Tadbir jarayonida delegatlar o‘zlarini qiziqtirgan savollarga javoblar oldilar. Ular O‘zbekiston kon-metallurgiya sanoati, xususan, ko‘mir sanoati sohasini rivojlantirishga o‘z hissalarini qo‘shishlari haqida fikr bildirdilar.

Qutlug‘ Teshaboyev,
“O‘zbekko‘mir” AJ Investitsiya loyihalarini ishlab chiqish, ekspertiza qilish va chet el investitsiyalarini jalb qilish bo‘limi boshlig‘i