Angren shahrida “Rahbarlar va yoshlar uchrashuvi” o‘tkazildi. Uchrashuvda sektorlar rahbarlari,  Milliy Gvardiya Toshkent viloyati boshqarmasi, shahar hokimligi mutasaddilari, Madaniyat bo‘limi, banklar, harbiy qism Angren Garnizoni mas’ullari va harbiy xizmatchilari mahalla yoshlari yetakchilari va uyushmagan yoshlar bilan muloqot qildilar.

Jarayonda asosan tadbirkorlikni yo‘lga qo‘yish, turar-joy ta’miri uchun kredit ajratish, bandlik, kommunal to‘lovlar uchun mavjud qarzdorlikni to‘lash bilan bog‘liq murojaatlar ko‘rib chiqildi.

Yoshlarning muammolari va murojaatlari e’tiborga olindi. Mahallalarda og‘ir toifali ayrim yoshlar rahbarlarga biriktirilib, otaliqqa olinganligi e’tirof etildi. Ammo yoshlarning barcha muammolari ham yetarlicha hal bo‘lmayotgani tanqid ostiga qilindi.

Yoshlar murojaatlari sohalar kesimida mas’ullarga yo‘naltirildi hamda qator ustuvor vazifalar belgilab olindi.

Uchrashuvda “O‘zbekko‘mir” AJ Yoshlar yetakchilari kengashi raisi D. Abdurahmonov ishtirok etdi.