Yuzma-yuz muloqotda hikmat ko‘p!
Nashr qilingan sana: 10.06.2024 04:05:28Yuzma-yuz muloqotda hikmat ko‘p!
Bugun Davlat hokimiyati va boshqaruvi organlari faoliyatining ochiqligini ta’minlash ustuvor vazifalardan biridir. Ana shu vazifalardan kelib chiqib kuni kecha Angren shahar hokimi Alisher Rayimov jurnalistlar va blogerlar bilan uchrashdi.
Yuzma-yuz muloqot har tomonlama foydali bo‘ldi. Shahar rahbari hududda amalga oshirilayotgan keng ko‘lamli islohotlar, xususan sanoat korxonalari faoliyati, obodonlashtirish, qurilish, yangi ish o‘rinlari, mahalla idoralarigi yangiliklar, yutuq va muammolar, rejalar haqida so‘zlab berdi. Jarayonni keng ommaga yetkazish uchun ijodkorlarni ishlashga da’vat etar ekan, ularni shahar hayoti haqida kontentlar tayyorlayotganda xolis bo‘lishga, faqat jamiyat uchun foyda keltiradigan axborotlar tarqatishga, tasdiqlanmagan gaplar bilan quruq shov-shuv ko‘tarib, obro‘ orttirishdan tiyilishga chaqirdi.
“Biz har qanday taklif va e’tirozlaringizni tinglashga hamisha tayyormiz. Taklif va tanqidlar asosli bo‘lsa, rahmat aytamiz va inobatga olamiz. Siz uchun hokimlikda barcha eshiklar ochiq!”– Alisher Rayimov.
Uchrashuvda ishtirok etgan “O‘zbekko‘mir” aksiyadorlik jamiyati matbuot kotibi Ne’mat Dushaev so‘z olib, korxona faoliyati, yangiliklari xususida gapirib berdi.
“O‘zbekko‘mir” aksiyadorlik jamiyati Angren shahardagi eng yirik va asosiy korxona hisoblanadi. Bugungi kunda bu yerda 6 ming nafardan ziyodroq kishi mehnat qilmoqda.
Korxonada bu yil 6,2 mln tonna ko‘mir qazib olish rejalashtirilgan. Bu bulturgidan 400 ming tonnaga ko‘p. Kelgusi yili bu ko‘rsatkich 6,8 mln tonnaga yetkaziladi. Xullas, ishlar qizg‘in.
Hozirgi kunda jamiyatga hukumat ko‘magida umumiy qiymati 77,1 mln. AQSh dollariga teng eng zamonaviy yangi kon texnikalari keltirish ishlari yakunlanmoqda, – dedi jumladan N.Dushaev. – Ushbu texnikalarni boshqaradigan tajribali mutaxassislar kerak. Ishga qabul esa - shaffof. Hujjatlar onlayn qabul qilinmoqda. Malaka imtihonlari ham kompyuterda o‘tkazila boshladi. Jurnalist va blogerlar mana shu jarayonlarni ham keng yoritsa, bu barcha uchun foydali bo‘lur edi.
Oxirgi yangiliklar:
Brifing: ko‘mir ta’minotida yangi tizim: aholi uchun tanlov va raqobat imkoniyati kengaymoqda
Respublikamizda 2026/2027-yillar kuz-qish mavsumiga tayyorgarlik ko‘rish, aholi va iqtisodiyot tarmoqlarini energiya resurslari, jumladan, tabiiy gaz yetib bormagan hudud...
O'qish
Xalqaro jurnalda Angren konchilari faoliyati haqida keng maqola chop etildi
“O‘zbekko‘mir” AJ faoliyatining xalqaro va sohaviy ommaviy axborot vositalarida muntazam yoritib borilayotgani geologiya, konchilik va ko‘mir sanoati sohalarida amalg...
O'qish
OAV diqqatiga: “Ko‘mir ta’minotida yangi tizim ‒ yangi imkoniyatlar” mavzusida brifing o‘tkaziladi
“O‘zbekko‘mir” aksiyadorlik jamiyati tomonidan aholi va budjet tashkilotlarini ko‘mir bilan ta’minlashda joriy yildan amal qilayotgan yangi tizim, birja savdolari, tadbir...
O'qish
Dashtobod ko‘mir ombori faoliyati yuzasidan rasmiy munosabat
Ijtimoiy tarmoqlarda va ommaviy axborot vositalarida Jizzax viloyati Zomin tumani Dashtobod shahri, “Bunyodkor” mahallasi hududida joylashgan Dashtobod ko‘mir ombori faol...
O'qish