“Ўзбеккўмир” АЖ: 9 минг 500 туп дарахт кўчати ўтқазилади
Nashr qilingan sana: 16.11.2021 17:09:54“Ўзбеккўмир” АЖ: 9 минг 500 туп дарахт кўчати ўтқазилади
“Ўзбеккўмир” акциядорлик жамиятида жорий йилнинг 5 ноябрдан дарахт экиш бўйича бошланган “дарзарб 40 кунлик” тадбирлари изчил олиб борилмоқда.
Хабарингиз бор, 2 ноябрь куни Ўзбекистон Президенти Шавкат Мирзиёев раислигида аҳолини сифатли уй-жой билан таъминлаш, “Янги Ўзбекистон” массивларини барпо этиш, шаҳарлар, туман марказлари ҳамда аҳоли пунктларида экологик вазият ва ҳаво тозалигини яхшилаш мақсадида “Яшил макон” умуммиллий лойиҳасини амалга ошириш масалаларига бағишланган видеоселектор йиғилиши бўлиб ўтган ва долзарб вазифалар белгилаб олинган эди.
“Яшил макон” умуммиллий лойиҳаси доирасида йилига 200 миллион туп дарахт ва бута кўчатларини экиш ва шу орқали шаҳарлардаги яшил майдонларни амалдаги 8 фоиздан 30 фоизга ошириш режалаштирилган. Хусусан, Тошкент вилоятида – 16 миллион туп кўчат экилади.
“Ўзбеккўмир” АЖ маъмурияти ва Бирлашган касаба уюшмаси қўмитаси “Яшил макон” умуммиллий лойиҳасини амалга оширишда кўмир саноати корхоналарининг фаол иштирокини таъминлаш мақсадида 5 ноябрдан 10 декабригача қадар дарахт экиш бўйича “долзарб 40 кунлик” эълон қилиш тўғрисида қўшма қарор қабул қилди.
Айни кунларда ана шу ҳужжат ижроси доирасида филиалларда ва Ангрен шаҳридан ажратилган ҳудудларда кўчат экиш ишлари жавом эттирилмоқда. Биз акция давомида кўкаламзорлаштириш тадбирлари олиб бораётган жамият вакиллари билан суҳбатлашдик.
− Биз “Матонат” кўча узра 1900 туп дарахт кўчати ўтқазаяпмиз. Экиш учун иқлим шароитимизга мос павловния дарахти танланди, − дейди жамият меҳнатни муҳофаза қилиш, техника хавфсизлиги ва экология бўлими бошлиғи Шукуржон Ҳаитматов.
Суҳбатдошимизнинг айтишича, павловния дарахти жуда тез ўсувчи ўсимлик бўлиб, ерга экилган ниҳол бир йилда 5 метргача бўй чўзади. Илк йилдаёқ мингта дарахтдан минг тоннагача биомасса олиш мумкин. Павловния дунё бозорида қарағай ёғочидан икки марта қиммат туради. Унга мебелсозлик, қурилиш соҳаларида талаб катта. Энг асосийси, ушбу дарахт иссиқ ва совуққа, қурғоқчиликкка ўта чидамли. Суғориб турилса жуда тез ўсади, аммо сув бўлмаса ҳам ўлмайди, аммо ўсишдан тўхтаб туради.
“Долзарб 40 кунлик”да тупроқ-иқлим шароитимизга мос ана шундай дарахт кўчатлари ўтқазишга алоҳида эътибор берилмоқда. Ушбу кўчатлар узоқдан эмас, Ангреннинг шундоққина биқинидаги Оҳангарон ўрмон хўжалигидан олинмоқда.
Жамият томонидан шаҳар ҳудуди ва филиаллардаги бўш майдонларга 9,6 минг туп, шу жумладан 4,5 минг туп мевали, 4,1 туп манзарали дарахт кўчатлари ўтқазиш режалаштирилган.
Неъмат Душаев,
«Ўзбеккўмир» АЖ Ахборот хизмати раҳбари
Izohlar
Oxirgi yangiliklar:
![image](/images/FDCoUpiCe1dVr0adUxMtbBwclnWLTg8eoSXGPgKE.jpg)
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish![image](/images/YgCS6vu3sAPdGJVCvsBGoUcvTb0TaNld5z4COand.jpg)
“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish![image](/images/fTeVIHq6DX8J5HGShg6IQqh3CN2m2cwUSBCfLBxa.jpg)
“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish![image](/images/EKQMNTXlaCxglBC5p1VgiEESfWL6fTe2GTeFNJor.jpg)
“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish