“Ўзбеккўмир” акциядорлик жамиятида жорий  йилнинг июнь ойида 410 715,2 тн. кўмир қазиб олинди. Бу ойлик режага нисбатан 1 215,2 тн.га кўп бўлиб, ишлаб чиқариш 100,3 фоизга тенг бўлди.

Истеъмолчиларга ой давомида “Ангрен кони” филиали томонидан  389 320,8 тонна, “Апратак кони”филиалидан 46 652,6  тонна ва “Ер ости ишлари” филиалидан  5 064,0 тонна кўмир маҳсулоти етказиб берилди. Жамият бўйича жами етказиб берилган маҳсулот 440037,1 тн. ёки режага нисбатан 121,8 фоизни ташкил қилди.

Шунингдек, ой давомида 76 169,2 тонна каолин қазиб олинди ва истеъмолчиларга  81 827,3 тонна етказиб берилди, ўз ўрнида режага нисбатан 102,0 фоизни ташкил этди.

Кўмирнинг устки қатламини очиш ишлари кўрсатгичи 1 084 669,4 кубометр етказилди  ёки бу борадаги ойлик режанинг 33,5 фоизни ташкил этди.

Кўмир устки қисмини очиш ишларидаги қолоқлик ой давомида ёғингарлчиликнинг меъёридан кўп бўлиши ва ёнилғи-мойлаш материаллари етишмагани билан изоҳланади.

Маълумот учун, “Ўзбеккўмир” акциядорлик жамияти томонидан 2022 йилда истеъмолчиларга 4,8 миллион тонна кўмир етказиб берилади. Хусусан, бунда иссиқлик электр станцияларига 2 839,0 минг тонна, бюджет ташкилотларига 518,0 минг тонна ва аҳоли истеъмолчиларига 882,0 минг тонна кўмир етказиш кўзда тутилган.

Неъмат Душаев,
“Ўзбеккўмир” АЖ Ахборот хизмати раҳбари