Arzonlashtirilgan ko‘mir MFYlar taqdim etgan ro‘yxat asosida tarqatiladi
Nashr qilingan sana: 07.12.2023 06:48:50#Telegrambotgamurojaat
“O‘zbekko‘mir” AJ telegram botiga Xorazm viloyati Shovot tumani Kangli mahallasi Najmiddin Kubro ko‘chasi 7-uyda yashovchi Mansur Masharibovdan Shovot tumanidagi ko‘mir shoxabchasi bo‘yicha murojaat kelib tushdi. Murojaatda ko‘mir sifati va aholiga qay tartibda tarqatilishi, narxi haqida so‘ralgan.
Ushbu murojaat yuzasidan “Ko‘mir ta’minot” MCHJ Xorazm viloyati filiali rahbari K.Jumaniyozovning ma’lumot berishicha, Shovot tumani ko‘mir ombori tomonidan ko‘mir yoqilg‘isiga ehtiyoji bo‘lgan 12287 xonadonga 2023-2024-yillar kuz-qish mavsumi uchun reja bo‘yicha 12 ming 826 tonna qattiq yoqilg‘i ajratilgan bo‘lib, joriy yilning 6-dekabr holatiga shundan 10 ming 270 tonnasi tarqatilgan.
Ko‘mir mahsuloti mahalla fuqarolar yig‘inlari taqdim etgan ro‘yxat asosida, mahalliy hokimlik tasdiqlagan reja-grafik asosida, MFY raislari ishtirokida tarqatilmoqda.
Eslatib o‘tamiz, murojaatchi M.Masharibov avvalroq, ya’ni 2023-yil 11-sentyabr kuni “O‘zbekko‘mir” AJ telegram botiga ko‘mirning sifati bo‘yicha e’tiroz bildirib yozgan edi. “Ko‘mir ta’minot” MCHJ Xorazm viloyati filiali rahbari K.Jumaniyozovning qo‘shimcha qilishicha, ushbu murojaat tezkor o‘rganilib, qanoatlantirilgan va M.Masharibov o‘zi va qizining oilasi uchun o‘sha kuni Shovot ko‘mir omboridan 4 tn. 830 kg miqdoridagi ko‘mir yoqilg‘isini imtiyozli narxda sotib olgan.
Ma’lumot uchun, aholi ehtiyojlariga 2023/2024-yillar kuz-qish mavsumi uchun tarqatilayotgan ko‘mir mahsuloti 2BZR markali bo‘lib, sifat guvohnomasiga ko‘ra, bo‘laklar o‘lchami - 25- 500 mm., namligi - 35 foizgacha, kulchanligi - 17 foizgacha, tarkibida 25 mm.dan ziyod o‘lchamdagi mineral aralashmalari bo‘lgan bo‘laklar 2 foizgacha, maydalar miqdori 20 foizdan oshmasligi kerak.
O‘zbekiston Respublikasi Vazirlar Mahkamasi huzuridagi idoralararo tarif komissiyasining 2023-yil 27-oktyabrdagi 18-sonli yig‘ilish bayoniga asosan 2023-yil 15-noyabr kunidan aholi uchun 1 tonna mahalliy ko‘mir mahsuloti narxi 309 800 (uch yuz to‘qqiz ming sakkiz yuz) so‘mni tashkil qiladi.
“O‘zbekko‘mir” AJ Axborot xizmati
Izohlar
Наримонов Расул Наримонович
23.10.2025 07:41:23
Xazratov Sardor
22.10.2025 10:59:57
Avezov Maqsad Shavkatovich
13.10.2025 12:58:08
Usmonov xurshid
27.09.2025 19:53:37
Usmonov xurshid
27.09.2025 19:53:35
Usmonov xurshid
27.09.2025 19:53:34
Satimov Omadjon Soxibovich
20.09.2025 01:43:12
Salimov Omadjon Soxibovich
20.09.2025 01:40:33
Temirov Shoxjaxon Xayrullo o'g'li
10.07.2025 15:11:49Oxirgi yangiliklar:
“Otam, onam, men – sportchi oilamiz!”
“O‘zbekko‘mir” aksiyadorlik jamiyatida O‘zbekiston kasaba uyushmalari kuniga bag‘ishlangan an’anaviy “Otam, onam, men – sportchi oilamiz!” spartakiadasi bo‘...
O'qish
O‘zbekiston arxiv xizmati – 106 yillik tarix va yangi davr vazifalari
29-oktabr kuni O‘zbekiston Milliy arxivi (O‘zMA) tomonidan “O‘zbekistonda arxiv tizimi tashkil topganligining 106 yilligi” munosabati bilan “O‘zbekiston arxiv xizmati: 10...
O'qish
“O‘zbekko‘mir” AJda navbatdagi onlayn muloqot o‘tkazildi
“O‘zbekko‘mir” aksiyadorlik jamiyati ijro apparati majlislar zalida navbatdagi onlayn muloqot tashkil etildi. Onlayn muloqotning asosiy maqsadi — jamiyat faoliyat...
O'qish
Kuz-qish mavsumini barqaror o‘tkazish uchun barcha imkoniyatlar safarbar etilgan
20-oktabr kun Milliy matbuot markazida “Yoqilg‘i-energetika sohasida amaliy ishlar, erishilgan natijalar va mavsumiy vazifalar muhokamasi” mavzusida matbuot anjumani bo‘l...
O'qish