Bugun poytaxtimizda Oʻzbekiston innovatsiyalar vazirligida "Aylanma iqtisodiyot uchun innovatsiyalar: Oʻzbekiston sanoatini oʻzgartirish boʻyicha talab etilayotgan loyihalar" mavzusida  mintaqaviy seminar boʻlib oʻtdi. 
 

Davlat boshqaruv organlari, xoʻjalik birlashmalari hamda tarmoq korxonalardagi innovatsiya masalalari boʻyicha rahbar oʻrinbosarlari va masʼul xodimlar jalb qilingan seminarda "Oʻzbekkoʻmir" AJ vakillari ham ishtirok etdi.

Ayni kunlarda Birlashgan Millatlar Tashkilotining Yevropa Iqtisodiy Komissiyasidan iborat xorijiy delegatsiya Oʻzbekistonda boʻlib turibdi. Ushbu tashrif doirasida tashkil etilgan seminarda mintaqaviy ekspertlar Oʻzbekistonda innovatsion rivojlanish boʻyicha oʻz taklif va tajribalari bilan oʻrtoqlashdilar. Asosiy eʼtibor atmosferaga chiqarilayotgan chiqindilarni yuqori texnologiyalar asosida ushlab qolib qayta ishlash va ishlab chiqarishda foydalanish masalalariga qaratildi. 

Mintaqaviy seminarda biz ishtirokchilar, shuningdek, ishlab chiqarish jarayonidagi muammo va kamchiliklar, korxonani boshqarish, innovatsiyani joriy qilish, biznes reja tuzishda chet ellik hamkorlar bilan ishlash boʻyicha foydali maʼlumotlar oldik. 
 

Qutlugʻ Teshaboyev,
"Oʻzbekkoʻmir" AJ innovatsion texnologiyalar va istiqbolli rivojlanish boʻyicha yetakchi mutaxassisi