“Shaxta usulida ko‘mir  qazib olish” filiali  “O‘zbekko‘mir” aksiyadorlik  jamiyati tarkibidagi  to‘ng‘ich korxonalardan  biri bo‘lib, bu yerdan  qazib chiqarilayotgan  qattiq yoqilg‘i hech qanday  begona aralashmalarsiz,  sof mahsulotligi bilan  ajralib turadi. Filialda 254 nafar kishi faoliyat  yuritadi.

Shaxtyorlarning  mehnati  og‘ir  va  mas’uliyatli.  Ular  kuniga  154 tonnadan ortiq ko‘mir qazib, bir  oyda  4 750 tn.  ming  tonnadan  ziyod  mahsulot  ishlab chiqarishni rejalashtirgan. 

Ma’lumki, yoqilg‘i-energetika majmuida ko‘mir sanoati tarmog‘i muhim ahamiyatga ega. Keyingi yillarda elektr energiyasi ishlab chiqarishda mavjud resurslardan samaraali foydalanish uchun ko‘mir yoqilg‘isiga ham kata e’tibor qaratilmoqda. Shu maqsadda qazib chiqarish hajmlarini bosqichma-bosqich oshirish vazifasi qo‘yilmoqda. Respublikamiz bo‘yicha o‘tgan yili 8,4 mln tonna qattiq yoqilg‘i qazib olingan bo‘lsa, joriy yildja bu ko‘rsatkichni 9 mln tonnaga yetkazish belgilangan.

Ahil  jamoamiz  bu borada belgilangan reja-topshiriqlarni doimo ortig‘i bilan bajarib kelmoqda.  Shunga  yarasha,  Jamoa  shartnomasi  asosida  konchilarning huquq  va  manfaatlari ta’minlangan.

Hozirda  korxonada  bitta  ko‘mir  qazib  olish  uchastkasi  faoliyat  yuritmoqda. Shu bilan birga, yana bir  yangi  kon  uchastkasini  ishga  tushirish  rejalashtirilgan. 

Jahongir  Mutalipov,  Jamol  Alimqulov, Normamatov Xumoyun, Kadыrkulov Miraziz, Alisher  Maxsudov, va  Ro‘zmat  Shukurov  kabi  rahbar-mutaxassislar  mazkur uchastka loyihasini 2023-yilda  ishlab  chiqqan  bo‘lib,  hozirda  yer  ostida ko’mir kazib olish ishlari  va  lahm  qazish  ishlari  jadal  olib  borilmoqda. 

Jarayonda  filialga  maxsus  ishlov  berilgan  qarag‘ay  yog‘ochlari  olib kelinib, kon lahmlarini mustahkamlashda  foydalanilmoqda.

Korxonada  eng  muhim  omil  –  intizom!  Yer  ostida  faoliyat  yuritadigan  konchilar  xavfsizlik  qoidalariga  qat’iy  rioya  qilishlari  shart.  Shu  sababli,  har  bir  smena  oldidan  20  daqiqalik  xavfsizlik  yo‘riqnomasi  o‘tkaziladi.  Unda  tajribali  va  yosh  konchilar  birgalikda ishtirok etadi.

Mehnat  jamoamizda xotin-qizlar  ham yuritadi.  Ular  yer  ustidagi  turli  vazifalarni  bajaradilar.  Lampachi Zulfiya Abdieva ana shunday fidoyi ayollardan biri. U konchi konchilar sulolasi vakili bo‘lib, 25 yildan  beri  korxonada  sidqidildan  mehnat  qilib  kelmoqda.  Faoliyati  munosib  e’tirof  etilib,  u  xotin-qizlar  kuni  munosabati  bilan  Toshkent viloyati hokimi tomonidan faxriy yorliq  va qimmatbaho esdalik sovg‘asi bilan  taqdirlandi.

Ma’lumot  uchun:  “O‘zbekko‘mir”  aksiyadorlik jamiyati – O‘zbekistonda  ko‘mir qazib oluvchi va yetkazib beruv yetakchi korxona. Uning tasarrufidagi “Angren” va “Apartak” konlarida  ko‘mir ochiq usulda, shaxtada esa yopiq  usulda  qazib  olinadi.  2024- yilda  Angren  konchilari  ilk  bor  6,8  mil million tonnalik marrani egalladilar.  Respublika  bo‘yicha  bu  ko‘rsatkich  8,4  million  tonnani  tashkil  etdi.  Joriy yilda respublika bo‘yicha 9 million tonna ko‘mir qazib chiqarish rejalashtirilgan. Bu borada “Shaxta usulida ko‘mir qazib olish” filiali jamoasining ham munosib  ulushi bo‘ladi.

Ayni paytda “ShUKKO” filiali “Angren” ko‘mir havzasida ko‘mirni shaxta usulida qazib oluvchi yagona korxona hisoblanadi.

Shaxta tarixi: 9-shaxta (hozirgi kunda “ShUKKO” filiali) 1948-yilda o‘z ish faoliyatini boshlangan 1949-yilda konchilar deyarli 130 ming tonna ko‘mirni yer yuzasiga olib chiqdilar. 1951-yilda 9-shaxta 2-bis shaxtasi bilan birlashgandan so‘ng ishlab chiqarish quvvati yiliga 500 ming tonna ko‘mirga ko‘tarildi. O‘rtacha sutkalik ishlab chiqarish hajmi bo‘yicha 9-shaxta sobiq Ittifoqning 72 ta eng yirik konlari qatoriga kirgan.

Shaxob Nimatullayev,
“Shaxta usulida ko‘mir qazib olish” filiali

rahbari vazifasini bajaruvchi