“O‘zbekko‘mir” AJ xodimlari uchun  кasbiy malaka oshirishga qaratilgan muhim tadbir  – “Kommunikatsiya asoslari, inson hayotida kommunikatsiyaning tutgan o‘rni” mavzusida onlayn seminar-trening o‘tkazildi.  Unga ish faoliyati yuzasidan xodimlar va murojaatchilar bilan ko‘p muloqot qiluvchi mutaxassislar jalb qlindi.

“Tog‘-kon va geologiya sohasi xodimlari malakasini oshirish instituti” DM bilan hamkorlikda  tashkil etilgan  o‘quv mashg‘ulotini Muhammad Al-Xorazmiy maktabi o‘qituvchisi Shahnoza Sultonova olib bordi. Kasbiy malaka oshirishga qaratilgan mazkur tadbir ishtirokchilar uchun muhim tajriba maydoni bo‘ldi.

25-sentyabr kuni ZOOM platformasida soat 10:00–13:00 oralig‘ida o‘tkazilgan mazkur seminarda quyidagi masalalarga alohida e’tibor qaratildi:

🔹 Kommunikatsiya tushunchasi va uning inson hayotidagi beqiyos o‘rni;

🔹 Axborot almashish jarayonining asosiy unsurlari: manba (sender), qabul qiluvchi (recyeiver), xabar (message), kanal (channel) va aloqa/munosabat (feyedback);

🔹 To‘g‘ri va samarali muloqot orqali ishlab chiqarish samaradorligini oshirish, nizolarning oldini olish va jamoada birdamlikni kuchaytirish;

🔹 Og‘zaki nutq turlari – dialog va monologning turli ko‘rinishlari;

🔹 Jamoada sog‘lom muhitni yaratish, samarali muloqot madaniyatini rivojlantirish.

Seminar-trening davomida ishtirokchilar mavzu yuzasidan faol fikr almashdilar, savollariga atroflicha javob oldilar. Bu ularga nazariy bilim bilan birga ishlab chiqarish va kundalik faoliyatda amaliy qo‘llanadigan ko‘nikmalarni ham berdi.