#9_oylik_natijalari

Jamiyatda joriy yilning yanvar-sentabr oylari yakuni bo‘yicha amalga oshirilgan ishlar:

Hisobot davrida ishlab chiqarish amaldagi narxlarda 1 294,6 mlrd. so‘m, taqqoslama narxlarda 1 124,2 mlrd. so‘mni tashkil qildi, o‘sish sur’ati o‘tgan yilning mos davriga nisbatan 110,9 foiz.

Ko‘mir qazib chiqarish  4 739,7 ming tonnaga yetkazildi, O‘sish sur’ati o‘tgan yilning mos davriga nisbatan 112,4 foizni tashkil etdi.

Kon ustini ochish ishlari 20,2 mln. kub metr hajmda bajarildi, o‘sish sur’ati o‘tgan yilning mos davriga nisbatan o‘sish sur’ati 118,0 foizga teng bo‘ldi.

Iste’molchilarga 4 012,8 ming tonna ko‘mir yetkazib berildi. Bu boradagi o‘sish sur’ati o‘tgan yilning mos davriga nisbatan 106,3 foizga teng bo‘ldi.

Shuningdek, tarmoq korxonalari omborlarida ko‘mir mahsulotlar qoldig‘i 1 304,1 ming tonna tashkil qildi.

Mahalliylashtirish dasturi doirasidagi ishlar izchil davom ettirilmoqda. To‘qqiz oy davomida 37 turdagi 4,4 mlrd. so‘mlik ehtiyot va butlovchi qismlar ishlab chiqarildi va 2023-yilning mos davriga qaraganda 105,7 foiz o‘sishga erishildi.

Yanvar-sentabr oylarida sanoat mahsulotlari tannarxi 128,7 mlrd so‘m qisqartirildi. Jumladan, xom ashyo va materiallar uchun xarajatlarni optimallashtirish hisobiga 15,0 mlrd so‘m, energiya resurslarini oqilona ishlatish hisobiga 12,1 mlrd so‘m, asosiy fondlar samaradorligi va mehnat unumdorligini oshirish hisobiga 99,0 mlrd so‘m mablag‘ni tejashga erishildi.

Atham Umarov,

Iqtisodiy tahlil va prognozlashtirish bo‘limi boshlig‘i