Xabaringiz bor, shu yilning 30 aprelidan yangi tahrirdagi Mehnat kodeksi kuchga kirdi. Shu munosabat bilan "Oʻzbekkoʻmir" aksiyadorlik jamiyatida tashkil etilgan seminar ushbu mavzuga bagʻishlangan seminar tashkil etildi. 
 

Xodimlar, ish beruvchilar va davlat manfaatlarining muvozanatini taʼminlash hamda ularni muvofiqlashtirish asosida yakka tartibdagi mehnatga oid munosabatlarni va ular bilan bevosita bogʻliq boʻlgan ijtimoiy munosabatlarni tartibga soluvchi ushbu hujjat bilan mehnat qonunchiligida bir qator yangiliklar kiritilgan.  Yangi hujjatning amaliyotga kiritilishi bilan ish beruvchilar tomonidan, jumladan xodimlarga taʼtil berishda  xatoliklarga yoʻl qoʻyilmasligi muhim sanaladi. 

Tadbirda Toshkent viloyati  kambagʻallikni qisqartirish va bandlik bosh boshqarmasi Davlat mehnat inspeksiyasi davlat hududiy mehnat inspektori Lazizbek Abdukarimov ishtirok etdi va Mehnat kodeksi, uning avvalgisidan farqi, xususan xodimlarga mehnat taʼtili berish borasidagi yangilik va oʻzgarishlar xususida atroflicha maʼlumot berdi.

Tadbir ishtirokchilari mavzu yuzasidan oʻzlarini qiziqtirgan savollarga atroflicha javob oldilar.