Yangi yilingiz qutlug‘ bo‘lsin, aziz konchilar!
Nashr qilingan sana: 31.12.2024 02:05:12
Hurmatli ko‘mir sanoati xodimlari va faxriylari, aziz hamkasblar!
Angren va uning barcha aholisi taqdiri ko‘mir sanoati bilan chambarchas bog‘liq. Ushbu soha mamlakat iqtisodiyoti barqaror rivojlanishining garovi bo‘lib, Siz konchilar O‘zbekistonning energetik mustaqilligini ta’min-lashga salmoqli hissa qo‘shib kelmoqdasiz.
O‘zbekistonda so‘nggi yillarda ko‘mir sanoati tobora rivojlanmoqda. “O‘zbekko‘mir” aksiyadorlik jamiyatida ham yoqilg‘i qazib olish va iste’molchilarga yetkazib berish hajmlari yil sayin ortib bormoqda. Yakunlanayotgan 2024-yil ham muvaffaqiyatli kechdi. Sizning mashaqqatli mehnatingiz tufayli ilk bor 6,7 million tonnalik marra zabt etildi, yillik reja muddatidan oldin ortig‘i bilan bajarildi. Buning uchun barchangizga minnatdorlik bildiraman. Ko‘mir qazib olishni ko‘paytirish, bu nafaqat iste’molchilarning o‘sib borayotgan talabini qondirish, balki aksiyadorlik jamiyatimiz ravnaqini ta’minlashga, konchilar moddiy manfaatdorligini oshirishga ham xizmat qiladi.
Jamiyat tomonidan ko‘mir qazib olish ko‘rsatkichlarini 2025-yilda 7,0 million tonnaga, 2030-yilgacha esa 10 million tonnaga yetkazish rejalashtirilgan. O‘ylaymanki, biz bu vazifalarning uddasidan chiqamiz.
Hurmatli konchilar! Sizni eng sevimli oilaviy bayram bo‘lgan Yangi ‒ 2025-yil bilan chin qalbimdan tabriklayman! Odamlarni yorug‘lik va issiqlik bilan ta’minlashdek ezgu maqsadga qaratilgan fidokorona mehnatingiz uchun yana bir bor tashakkur! Kirib kelayotgan yangi yil ham omadli bo‘lsin, orzularingiz va maqsadlaringiz amalga oshsin! Barchangizga mustahkam sog‘lik, oilangizga baxt, yangi yutuqlar tilayman.
Vladimir KUZNETSOV,
“O‘zbekko‘mir” AJ bosh direktori
Oxirgi yangiliklar:
Pensiya ta’minoti tizimidagi yangiliklar muhokama qilindi
“O‘zbekko‘mir” AJda pensiya ta’minoti tizimini isloh qilishga qaratilgan Prezident farmoni loyihasining mazmun-mohiyatiga bag‘ishlangan o‘quv seminari o‘tkazildi....
O'qish
Ko‘mir bor joyda tabiatga ham e’tibor bor
Bilamizki, bir tonna ko‘mir faqat energiya manbaigina emas. U tabiat oldidagi mas’uliyatni ham anglatadi. Uni qazib olish, saralash, tashish va saqlashning har bir b...
O'qish
Kuz-qish mavsumi: favqulodda vaziyatlarga tayyorgarlik kuchaytirilmoqda
Kuz-qish mavsumiga tayyorgarlik ko‘rish, favqulodda vaziyatlarning oldini olish va energetika sohasi ob’ektlarining mavsumiy barqarorligini ta’minlash maqsadida...
O'qish
Ish jarayonida ham sportga hamisha vaqt topiladi
Korxonamizda xodimlarning bo‘sh vaqtlarini mazmunli o‘tkazishi, jismoniy faolligini oshirishi va sog‘lom turmush tarziga amal qilishi uchun barcha zarur sharoitlar y...
O'qish