Koʻmir omborlari masʼul xodimlari ogohlantirilmoqda
Nashr qilingan sana: 22.11.2023 02:52:04"Oʻzbekkoʻmir" AJ Ishchi guruhining navbatdagi kengaytirilgan yigʻilishi "Koʻmir taʼminot" MCHJ Qashqadaryo viloyati filialida oʻtkazildi.
9 dekabr – Xalqaro korrupsiyaga qarshi kurashish kuniga bagʻishlangan Aksilkorrupsiya oyligi tadbirlari doirasida filial va uning tasarrufidagi hududiy koʻmir omborlari masʼul xodimlari ishtirokida tashkil etilgan yigʻilishni "Oʻzbekkoʻmir" AJ Korrupsiyaga qarshi kurashish xizmati rahbari E.E.Amanov boshqarib bordi.
Soʻnggi haftalarda "Oʻzbekkoʻmir" AJga qarashli "Koʻmir taʼminot" MCHJ masʼul xodimlari tomonidan aholi va ijtimoiy soha obyektlari uchun berilishi lozim boʻlgan koʻmir mahsulotlarini talon-taroj qilish holatlarini huquq-tartibot organlari tadbirlari natijasida oshkor etildi va ularga nisbatan amaldagi qonun talablari asosida javobgarlikka tortildi. Yigʻilishda shu masala atroflicha muhokama etildi. Xususan, prokuratura organlari tomonidan "Koʻmir taʼminot" MCHJning Andijon, Namangan va Fargʻona va boshqa viloyatlaridagi filiallarining masʼul xodimlari tomonidan koʻmir mahsulotlarini shaxsiy manfaatlari yoʻlida talon-toroj qilganligi kechirib boʻlmas holat ekanligi qayd etildi.
Aholining koʻmir mahsulotlarini oʻz vaqtida arzon narxlarda xarid qila olmasligi va narxlarning sunʼiy oshirib yuborilishi asosli eʼtirozlarga sabab boʻlayotganligi, filial va ombor masʼul xodimlari tomonidan korrupsiya holatlarini keltirib chiqaruvchi omillar yetarli oʻrganmaganligi, koʻrgazmali targʻibot vositalari ham javob bermasligi, korrupsiyaga qarshi kurashish boʻyicha tadbirlar yetarli olib borilmayotganligi yigʻilishda qattiq tanqid qilindi.
Filiallar rahbarlari va omborlar masʼul xodimlari koʻmir ombori masʼul xodimlari bilan tuzilgan mehnat shartnomasiga korrupsiyaga qarshi kurashga oid "Qoʻshimcha kelishuv" bandlari kiritilgan. Yigʻilishda ana shu bandlar mazmun-mohiyati atroflicha tushuntirildi, aholiga moʻljallangan koʻmirni talon-taroj qilish, sunʼiy oshirilgan narxda sotish qonuniy javobgarlikka sabab boʻlishi haqida hududiy filial rahbari va omborlar mudirlari jiddiy ogohlantirildi, ulardan korrupsion holatlarga yoʻl qoʻymaslik haqida kafolat xatlari olindi.
Korrupsiyaga qarshi kurashish tadbirlari davom ettirilmoqda.
Oxirgi yangiliklar:
Ommaviy sport: sog‘lom jamoa – yuksak natijalar garovi
Bugungi kunda mamlakatimizda aholi, ayniqsa mehnat jamoalari o‘rtasida sog‘lom turmush tarzini keng qaror toptirish, jismoniy tarbiya va sportni ommalashtirish davlat siy...
O'qish
Korrupsiyaga qarshi kurashish masalalariga bag‘ishlangan brifing o‘tkaziladi
2026-yil 22-iyul kuni soat 15:00da “O‘zbekko‘mir” aksiyadorlik jamiyatida korrupsiyaga qarshi kurashish faoliyatining 2026-yil I yarim yilligi yakunlari yuzasidan brifing...
O'qish
Xitoylik mutaxassislar va talabalar “O‘zbekko‘mir” AJ faoliyati bilan tanishdi
2026-yil 17-iyul kuni Xitoy konchilik va texnologiya universiteti professor-o‘qituvchilari hamda talabalari delegatsiyasi “O‘zbekko‘mir” AJda bo‘ldi. Toshkent davla...
O'qish
Ishga qabul jarayoni ochiq va shaffof tarzda yoritildi
Aksiyadorlik jamiyatida “Ochiqlik indeksi” talablari ijrosini ta’minlash maqsadida ishga qabul jarayonlari ochiq va shaffof tashkil etilmoqda. Jamiyatning idora qo‘riq...
O'qish