Gʻamho‘rlik va e’tiborga loyiqdirsiz, aziz ayollar!
Nashr qilingan sana: 07.03.2024 00:57:05
Qadrli konchi-ayollar!
Sizni va Sizning timsolingizda barcha onaxonlarimiz, opa-singillarimiz, dilbar qizlarimizni Birlashgan kasaba uyushmasi faollari nomidan ezgulik va go‘zallik bayrami 8 mart — Xotin-qizlar kuni bilan samimiy muborakbod etaman!
Dunyodagi eng buyuk san’at asarlari, qo‘shiq va qasidalar, me’moriy obidalar Siz – ayollar sha’niga bag‘ishlangandir. Bu bejiz emas. Ayolning nafosati va nazokati, vafo va sadoqati, aql-zakovati va fidoyiligi asrlar mobaynida yer yuzida hayot davomiyligi va abadiyligiga asos bo‘lib keladi.
Vatanimiz taraqqiyotida, xususan, respublika ko‘mir sanoatini rivojlantirishda Sizlarning alohida o‘rningiz bor. Biz Sizning nafaqat boshqaruv va ishlab chiqarish, ijtimoiy-siyosiy jabhalardagi faolligingizni alohida qadrlaymiz. Jamoa shartnomasida Siz aziz xotin-qizlar manfaatlariga xizmat qiladigan g‘amxo‘rliklarni muttasil amalga oshiramiz. Zero, barchangiz g‘amho‘rlik va e’tiborga loyiqdirsizlar.
Barchangizga oilaviy xotirjamlik, xonadonlaringizga tinchlik, fayzu baraka tilayman. Doimo xalqimiz, Vatanimizning yuksak mehri va ardog‘ida bo‘lish hammangizga nasib etsin! Hamisha sog‘-omon bo‘ling, azizlar!
Abdunosir Qayumov,
“O‘zbekko‘mir” AJ Birlashgan kasaba uyushma qo‘mitasi raisi
Izohlar
Oxirgi yangiliklar:
"Jamoatchilik fikri asosida konchilik va geologiya sohalarida shaffoflik va korrupsiyaga qarshi kurashish choralari"
Jamoatchilikning konchilik va geologiya korxonalari faoliyatiga munosabati, sohada korrupsiyaga qarshi kurashish va shaffoflikni taʼminlash yoʻnalishida amalga oshirilay...
O'qish
“O‘zbekko‘mir” aksiyadorlik jamiyati tomonidan yangi xarid lotlari e'lon qilindi
"O‘zbekko‘mir" AJ Xt-xarid.uz elektron platformasining "Eng maqbul takliflarni tanlash" ilovasi orqali "Angren ko‘mir koni" filialining buyurtmasiga asosan burg‘ulash usk...
O'qish
“O‘zbekko‘mir” aksiyadorlik jamiyati tomonidan yangi xarid lotlari e'lon qilindi
"O‘zbekko‘mir" AJ xt-xarid.uz elektron platformasining "Eng maqbul takliflarni tanlash" ilovasi orqali "E va TT" filialining yillik ehtiyoj, xatlarida belgilangan elektr...
O'qish
“O‘zbekko‘mir” AJ "Avtomobil texnologik transporti" filialida ishchi-xodimlar Milliy liboslarda
Milliy libos – xalqning ma'naviy qiyofasi Milliy libos har bir xalqning boy tarixini, madaniyatini, urf-odat va an’analarini o‘zida aks ettiruvchi muhim madaniy meros...
O'qish