Xabaringiz bor, joriy yilning 30 aprel kuni mamlakatimizda Oʻzbekiston Respublikasi Konstitutsiyaviy Qonuni loyihasi boʻyicha referendum oʻtkaziladi. Ayni damlarda joylarda ushbu muhim siyosiy tadbirga bagʻishlangan targʻibot tadbirlari tashkil etilmoqda.

“Oʻzbekkoʻmir” aksiyadorlik jamiyatda ham huddi shunday tadbir oʻtkazildi.

“Konstitutsiya meniki, seniki, bizniki! Konstitutsiya oʻzimizniki!” shiori ostida “Qurilish-montaj ishlari” filiali faollar zalida tashkil etilgan tadbirda jamiyat ijro paparati va filiallar boshqaruv, muhandis-texnik hamda ishchi xodimlar hamda jamoatchilik vakillari ishtirok etdi.

Jamiyat Birlashgan kasaba uyushma qoʻmitasi raisi A.Qayumov qisqacha kirish soʻzi bilan ochib bergan ochib bergan tadbirda Konstitutsiyaviy islohotning zarurati va ahamiyati, ushbu Bosh qomusimizga kiritilayotgan oʻzgartirish va qoʻshimchalar, 30 aprelda boʻlib oʻtadigan referendumning davlat va jamiyat hayotidagi ahamiyati haqida tushunchalar berildi. Ayni paytda Yangilanayotgan Konstitutsiyada mamlakatimizda tadbirkorlik, investitsiya, savdo-sanoat, ishlab chiqarish va shu kabi boshqa sohalarni rivojlantirishga katta eʼtibor qaratilgani alohida taʼkidlab oʻtildi. Tadbirda siyosiy sharhlovchi Qobilbek Karimbekov yig'ilganlarning savollariga batafsil javob berdi.

Shuningdek, turli sohada yuksak marralarga erishayotgan va yurtimizdagi yangilanishlar samarasida oʻz kasbi orqali obroʻ-eʼtibor topgan hamyurtlarimiz muhim siyosiy jarayon  haqida oʻz fikrlarini bildirdi.