2025-yil 6-noyabr kuni “O‘zbekko‘mir” aksiyadorlik jamiyatining “Temiryo‘l transporti” filialida O‘zbekiston Respublikasining 2024-yil 5-iyundagi “Manfaatlar to‘qnashuvi to‘g‘risida”gi qonunining mazmun-mohiyati, korrupsiyaning ko‘rinishlari va uning kelib chiqish sabablari haqida tushunchalar berishga bag‘ishlangan seminar bo‘lib o‘tdi. Tadbir “Jamiyatda maishiy korrupsiyaga yo‘l qo‘ymaslik – har bir xodimning ustuvor vazifasi bo‘lishi lozim” mavzusida tashkil etildi.

Seminarda manfaatlar to‘qnashuvining turlari, ularning oqibatlari, shuningdek korrupsiya tushunchasining mohiyati haqida batafsil ma’lumot berildi. Ta’kidlanishicha, korrupsiya faqat yirik siyosiy yoki iqtisodiy sohalarda emas, balki kundalik hayotda ham namoyon bo‘lishi mumkin.

Maishiy korrupsiya – fuqarolarning kundalik hayotida uchraydigan oddiy, “odatdagi” holatlar orqali korrupsiya madaniyatining shakllanishi va chuqurlashishiga sabab bo‘lishi aytib o‘tildi. Tadbir yakunida xodimlarga halollik, mas’uliyat va qonunga hurmat tamoyillariga qat’iy rioya etish zarurligi eslatib o‘tildi.