Manzili mavhum tanqidiy videoxabarlardan kim manfaatdor?
Nashr qilingan sana: 22.09.2023 02:54:55Ijtimoiy tarmoqlarda Andijon viloyatiga vagonda kelayotgan ko‘mirlarni noma’lum shaxslar yo‘lda talon-toroj qilayotgani, jumladan, yirik ko‘mirlarni vagon ustiga chiqib, yerga uloqtirayotgani aks etgan videomaterial tarqaldi.
Ushbu videolavhada keltirilgan holat “O‘zbekko‘mir” AJ va “Ko‘mir ta’minot” MCHJ mutasaddilari tomonidan o‘rganib chiqildi. O‘rganish davomida tanqidiy videolavha qachon va qaysi manzilda tasvirga olingani ko‘rsatilmagani uchun undagi faktlar bo‘yicha chora ko‘rishning iloji bo‘lmadi. Xulosalarga ko‘ra, videolavha eski bo‘lib, ancha yillar avval tasvirga olingani ehtimoli kuchli.
Fursatdan foydalanib, blogerlar hamda ijtimoiy tarmoq foydalanuvchilaridan respublika aholisiga mo‘ljallangan mahalliy, arzonlashtirilgan ko‘mir mahsulotini talon-taroj qilish bilan bog‘liq holatlar kuzatilsa, bu haqidagi tanqidiy xabarlarda ularning manzili, sanasi va vaqtini aniq ko‘rsatish lozimligini, ana shunda har qanday salbiy holatlarga chek qo‘yish, huquqbuzarlarni qat’iy javobgarlikka tortish mumkinligini eslatib o‘tamiz.
Ma’lumot uchun, “O‘zbekko‘mir” AJ qazib olingan ko‘mir mahsulotlarini “Ko‘mir ta’minot” MCHJning ko‘mir omborlari manziliga yuklab jo‘natishni ta’minlaydi. Bunda jamiyat mas’ullari ko‘mirni yuklash, jo‘natish, ko‘mirning sifati va miqdorlari yuzasidan javobgar hisoblanadilar. “O‘zbekiston temir yo‘llari” AJning Harbiylashtirilgan qo‘riqlash boshqarmasi ko‘mir ortilgan vagonlarni belgilangan stansiyalarga yetib borishiga qadar qo‘riqlashga hamda yuklangan ko‘mir miqdoriga javob beradi. Hududiy ko‘mir omborlariga yetkazilgan ko‘mirni qabul qilib olish, sifatli saqlash va iste’molchiga sotilishiga “Ko‘mir ta’minot” MCHJ mas’uldir.
“O‘zbekko‘mir” AJ Axborot xizmati
Oxirgi yangiliklar:
Barqaror rivojlaniş sari muhim qadam: “O‘zbekko‘mir” AJ ilk ESG hisobotini taqdim etdi
Bugun korxona faoliyatiga baho berişda faqat qança mahsulot işlab çiqarilgani yoki qança daromad olingani bilan çeklanilmaydi. Işlab çiqariş jarayonining atrof-muhitga ta...
O'qish
Oçiqlik − hisobdorlik va jamoat işonçi asosi
9 dekabr − Xalqaro korrupsiyaga qarşi kuraşiş kuni. Uşbu sana korrupsiyaning oldini olişda oçiqlik, şaffoflik va jamoatçilik nazoratining ahamiyatini yana bir bor eslatad...
O'qish
"O‘zbekko‘mir" AJning faol yoshlari Oliy Majlis faoliyati bilan tanishdilar
"O‘zbekko‘mir" AJning faol yoshlari Oliy Majlis faoliyati bilan tanishdilar "O‘zbekko‘mir" AJning bir guruh faol yoshlari O‘zbekiston Respublikasi Oliy Majlisiga...
O'qish
Brinfing: kondan xonadongacha: ko‘mir ta’minoti qanday kechmoqda?
Brinfing: kondan xonadongacha: ko‘mir ta’minoti qanday kechmoqda? 2026-yilda “O‘zbekko‘mir” AJ tomonidan 5,7 million tonna ko‘mir qazib chiqarish, shundan 1 milli...
O'qish