Yaqinda Angren shahridagi qurilish mutaxassislari malakasini oshirish markazida mehnat yarmarkasi o‘tkazildi. Unda. “O‘zbekko‘mir” aksiyadorlik jamiyati vakillari tomonidan taklif etilgan bo‘y ish o‘rinlari yoshlarda katta qiziqish uyg‘otdi.

Markaz direktori Abdurashid Ergashev boshchiligida mehnat yarmarkasida ishga joylashish istagida bo‘lgan shaxslar to‘g‘ridan-to‘g‘ri maslahat olish uchun markaz mutaxassislariga murojaat qildilar va o‘z hujjatlarini taqdim etgan holda savollariga javob oldilar.

 Qurilish sohasi mutaxassislarini tayyorlash markazi ikki yildan ortiq vaqtdan beri faoliyat yuritib, mehnatkash yoshlar vakillari orasida muayyan muvaffaqiyatlarga erishmoqda. Markazni tamomlagan yosh mutaxassislarga nafaqat yurtimiz, balki xorijda ham hayotning turli jabhalarida talab katta. Bu esa mazkur ta’lim dargohida mehnat qilayotgan ustozlarning asosiy xizmatlaridir. Ular orasida avvallari mahalliy ko‘mir korxonalarida ishlab, hozirda o‘qituvchilikka o‘tganlar ko‘p.

 – Men “O‘zbekko‘mir” aksiyadorlik jamiyatida uzoq yillar ishladim, – deydi ko‘prikli kranlarni boshqarish bo‘yicha mutaxassis Abduraim Haydarov. – Hozir markazda mazkur inshootlarning yosh operatorlarini tayyorlayman. Ko‘prikli kranlar ustaxonalar shifti ostida joylashgan relslarda, portalli kranlar esa yerga yotqizilgan relslarda harakatlanadi.  Bunday texnikalarni boshqarish xotin-qizlar uchun juda ma’qul bo‘lib, ular ushbu mexanizmlarning yuk ko‘tarish qobiliyati, xavfsizlik texnikasi va mehnatni muhofaza qilish bo‘yicha bilimlarga ega bo‘lishmoqda.

– O‘g‘il-qizlarga avtokranni to‘g‘ri boshqarishni o‘rgataman, – deydi yosh o‘qituvchi Abror Abdumalikov, – dastgohning yuk ko‘tarish quvvati 32 tonna, teleskopik “bom”ning masofasi 30 metrdan oshadi. Bunday maxsus jihozlar ishlab chiqarish ob’ektlarida ishlaydi va bu yerda ko‘p narsalarni, birinchi navbatda, oddiy xavfsizlik qoidalarini bilish muhimdir.

Markaz rahbariyati ustoz va talabalarni zarur o‘quv qurollari hamda o‘quv xonalarini maxsus jihozlar bilan ta’minlash haqida ham to‘liq g‘amxo‘rlik qilmoqda.