Joriy yilning 3-aprel kuni “O‘zbekko‘mir” aksiyadorlik jamiyatida “Nishbash ko‘mir” MCHJ XK vakillari bilan uchrashuv bo‘lib o‘tdi. Tadbir “Angren ko‘mir koni” filiali markaziy dispetcherlik markazida tashkil etildi.

Jamiyat bosh muhandisi V.V. Kuznestov mehmonlarga “Angren” ko‘mir konidagi yoqilg‘i qazib olish jarayonlari, kon ishchilari uchun yaratilgan sharoitlar, qazish ishlarida qo‘llanilayotgan texnika va texnologiyalar, konning yillik ko‘mir qazib olish hajmi hamda ustki qatlamni olish bo‘yicha amalga oshirilayotgan ishlar haqida ma’lumot berdi. Jarayon davomida mehmonlar o‘zlarini qiziqtirgan savollarga atroflicha javoblar oldilar.

O‘z navbatida, “Nishbash ko‘mir” MCHJ XK vakillari Angren ko‘mir havzasida amalga oshirilayotgan ishlar haqida so‘zlab berdilar. Ular ta’kidladilarki, yangi ko‘mir koni zamonaviy texnologiyalar asosida barpo etilmoqda, u yerda uskunalar allaqachon o‘rnatilgan va 30 oy muddatda foydalanishga topshirish rejalashtirilgan.

Bu borada geologik tadqiqotlarni ko‘zdan kechirish va shaxtalar uchun eng mos uskunalarni tanlash muhim hisoblanadi. Uchrashuv samarali va foydali o‘tdi, ishtirokchilar o‘zaro tajriba almashdilar va kelgusidagi hamkorlikka oid yangi imkoniyatlarni muhokama qildilar.