Ombor mudilarining masʼuliyati oshirildi
Nashr qilingan sana: 01.12.2023 06:30:53"Oʻzbekkoʻmir" aksiyadorlik jamiyati tomonidan "Aksilkorrupsiya oyligi" doirasidagi navbatdagi tadbir Qoraqalpogʻiston Respublikasining Ellikqalʼa tumanida tashkil etildi.
"Oʻzbekkoʻmir" aksiyadorlik jamiyati tomonidan "Aksilkorrupsiya oyligi" doirasidagi navbatdagi tadbir Qoraqalpogʻiston Respublikasining Ellikqalʼa tumanida tashkil etildi.
Bugungi kunda aholini mahalliy arzonlashtirilgan koʻmir bilan taʼminlash ishlari dolzarb boʻlib turibdi. Bu borada "Koʻmir taʼminot" masʼuliyati cheklangan jamiyati va hududiy koʻmir omborlari jamoalari zimmasiga masʼuliyatli vazifalar yuklatilgan. Afsuski, jamiyatning ayrim filiallari va koʻmir omborlari masʼullari ishonib topshirilgan vazifalarga panja orasidan qarab, aholiga moʻljallangan koʻmir mahsulotini talon-taroj qilgan. Bunday holatlar huquq tartibot idoralari tomonidan aniqlanib, aybdorlarga nisbatan jinoiy ish ochilgan.
Ellikqalʼa tumani hokimligida oʻtkazilgan targʻibot tadbirida ana shu holatlar afsus bilan taʼkidlab oʻtildi.
"Koʻmir taʼminot" MCHJning hududiy koʻmir omborlari mudirlari, tuman mutasaddi tashkilotlari va mahalla hamda ovul fuqarolar yigʻinlari raislari ishtirok etgan yigʻilishda arzonlashtirilgan koʻmirni tarqatish jarayonida ularni talon-taroj qilishga yoʻl qoʻymaslik, korrupsiyaviy holatlarning oldini olish va unga qarshi kurashish, bu borada jamoatchilik nazoratini kuchaytirish zarurligi alohida uqdirib oʻtildi. Hududiy filial va uning tasarrufidagi koʻmir omborlari masʼul xodimlariga aholi uchun moʻljallangan koʻmir mahsulotini oʻz vaqtida belgilangan tartibda tarqatish, talon-taroj qilishning oldini olish, korrupsiyaviy holatlarga yoʻl qoʻymaslik zarurligi haqida qatʼiy ogohlantirildilar va bu haqida ulardan kafolat xatlari olindi.
– Shu kuni Ellikqalʼa koʻmir ombori faoliyatini oʻrgandi. Afsuski, bu yerda xodimlar bilan korrupsiyaga qarshi suhbat va boshqa targʻibot tadbirlari deyarli oʻtkazilmagan, koʻrgazmali targʻibot ham qoniqarsiz tashkil etilgan, – deydi "Oʻzbekkoʻmir" AJ Ishchi gururhi raisi, jamiyat korrursiyaga qarshi kurashish xizmati rahbari E.Amanov. – Jarayonda koʻmir ombori masʼullariga ushbu kamchiliklar koʻrsatib oʻtildi va ularni bartaraf etish, hududda yashovchi aholi uchun keltirilgan koʻmirni tegishli tartibda tarqatish, korrupsiyaviy holatlarga yoʻl qoʻymaslik boʻyicha koʻrsatmalar berildi.
"Oʻzbekkoʻmir" AJ Axborot xizmati
Izohlar
lHWriIDcdh
01.12.2023 18:14:43xVrChoJkBiUXDMOn
01.12.2023 18:14:40Oxirgi yangiliklar:
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish