“O‘zbekko‘mir” AJ bosh direktori N.U. Dusmatovning bayram tabrigi
Nashr qilingan sana: 31.12.2025 11:45:14Hurmatli ko‘mir sanoati xodimlari va faxriylari, aziz hamkasblar!
Yakunlanayotgan yil mamlakatimiz ko‘mir sanoati uchun barqaror o‘sish va muhim natijalar bilan yodda qolmoqda. Ayniqsa, “O‘zbekko‘mir” aksiyadorlik jamiyati jamoasi tomonidan amalga oshirilgan keng ko‘lamli ishlar, konchilarning fidokorona mehnati tufayli ko‘mir qazib olish hajmlari sezilarli darajada oshdi.
Bugun ishonch bilan aytish mumkinki, yilni yaxshi ko‘rsatkichlar bilan yakunlayapmiz. Ko‘mir ishlab chiqarish hajmlarining ortishi, bir tomondan, iqtisodiyot tarmoqlari, byudjet tashkilotlari hamda aholini mahalliy yoqilg‘i bilan barqaror ta’minlashga xizmat qilsa, ikkinchi tomondan, korxonamizni ravnaq toptirish va konchilarning moddiy manfaatdorligini oshirish bo‘yicha ko‘rilayotgan chora-tadbirlar bilan chambarchas bog‘liqdir.
Ishlab chiqarishni yanada ko‘paytirish maqsadida hamkorlik aloqalari kengaytirilmoqda. Xususan, tashqi iqtisodiy aloqalar yo‘nalishida yangi qadamlar tashlanib, xorijiy hamkorlar bilan samarali muzokaralar o‘tkazildi. Bu uchrashuvlar kelgusi rejalarimiz yanada ulkan ekanini, oldimizda yangi imkoniyatlar ochilayotganini ko‘rsatmoqda.
Kelgusi yilda ham qattiq yoqilg‘i qazib olishni yanada ko‘paytiramiz va hukumatimiz tomonidan qo‘yilgan muhim vazifalarni – iqtisodiyot tarmoqlari, ijtimoiy soha va aholini mahalliy ko‘mir bilan uzluksiz ta’minlash mehnat jamoamiz uchun sharafli va mas’uliyatli burchidir. Bu – Vatan ravnaqi, xalq farovonligiga qo‘shiladigan ulkan hissamiz bo‘ladi.
Konchilik – mardlik, sabr-toqat va jasoratni talab qiladigan ulug‘ kasb. Uning egalari bo‘lgan siz, aziz konchilar, har qanday hurmat va ehtiromga sazovorsiz. Yer qa’ridagi mashaqqatli mehnatingiz orqali yurtimizga nur va issiqlik ulashib kelayotganingiz uchun sizlarga chuqur minnatdorlik bildiraman.
Yangi yil ostonasida barchangizni samimiy tabriklayman. Sizga mustahkam sog‘lik, oilangizga oso-yishtalik va baraka, mas’uliyatli mehnatingizda ulkan yutuqlar tilayman. Kirib kelayotgan yil ham jamoamiz uchun fayzli, omadli va barakali bo‘lsin!
N.U. Dusmatov,
“O‘zbekko‘mir” AJ bosh direktori
Oxirgi yangiliklar:
“O‘zbekko‘mir” AJ: I yarim yillikda murojaatlar soni 5,1 foizga kamaydi.
“O‘zbekko‘mir” AJ: I yarim yillikda murojaatlar soni 5,1 foizga kamaydi 2026-yilning birinchi yarim yilligida “O‘zbekko‘mir” aksiyadorlik jamiyatiga 262 ta muroja...
O'qish
Davlat tili rivojiga yana bir qadam: 41 ta yangi atama tasdiqlandi
Vazirlar Mahkamasi huzuridagi Atamalar komissiyasi tomonidan davlat tilida rasmiy qo‘llaniladigan 41 ta yangi atamaning o‘zbekcha muqobili tasdiqlandi. Bu davlat tilida i...
O'qish
Dashtobod ko‘mir ombori: navbatdagi murojaatga munosabat
2026-yil 13-iyul kuni EKOLOG.UZ saytida Dashtobod shahridagi ko‘mir ombori faoliyati yuzasidan “Ko‘mir changi salomatligimizga salbiy ta’sir ko‘rsatmoqda” sarlavhasi osti...
O'qish
Qora metallurgiya sohasini rivojlantirish bo‘yicha ustuvor vazifalar belgilandi
2026-yil 13-iyul kuni Prezident Shavkat Mirziyoev raisligida qora metallurgiya sanoatini rivojlantirish, tarmoqning raqobatbardoshligini oshirish, mahalliy xomashyo bazas...
O'qish