“O‘zbekko‘mir”: hajm emas, sifat ustuvor – qazib olish siyosati yangilanmoqda
Nashr qilingan sana: 04.06.2026 19:29:44
.jpg)
“O‘zbekko‘mir” aksiyadorlik jamiyatida ko‘mir qazib olish hajmining o‘tgan yilga nisbatan qisqartirilishi ayrim media faollarida turli savol va muhokamalarni keltirib chiqarmoqda.
Ma’lumot uchun, 2025-yilda jamiyatda 6,8 million tonna qattiq yoqilg‘i qazib olish rejalashtirilgan bo‘lib, amalda 7,1 million tonna ko‘mir qazib olingan. 2026-yil uchun esa ushbu ko‘rsatkich 5,7 million tonna etib belgilangan.
Mazkur raqamlar yuzasidan bildirilayotgan fikr-mulohazalarga javoban shuni ta’kidlash lozimki, hajmdagi nisbiy o‘zgarishlar sohada sifatga ustuvorlik berish siyosati bilan bog‘liq.
“O‘zbekko‘mir” AJda hozirgi kunda asosiy e’tibor qazib olish hajmini sun’iy ravishda oshirishga emas, balki yuqori sifatli, kaloriyasi yuqori ko‘mir ulushini ko‘paytirishga qaratilgan. Shu maqsadda selektiv qazib olish texnologiyalari joriy etilmoqda hamda zamonaviy kon texnikalari bosqichma-bosqich ishlab chiqarish jarayoniga tatbiq etilmoqda.
Shu bilan birga, hozirgi kunda kon ichki omborlarida o‘tgan yilda qazib olingan 1 million tonnadan ortiq ko‘mir zahirasi mavjud bo‘lib, uning bosqichma-bosqich realizatsiya qilinishi qazib olish hajmidagi mavjud farqni qoplash va umumiy yetkazib berish zanjirini barqaror saqlashga xizmat qiladi.
Umumiy holatda, O‘zbekiston bo‘yicha 2025-yilda ko‘mir qazib olish hajmi taxminan 8,9 million tonnani tashkil etgan bo‘lib, bu ko‘rsatkichda O‘zbekko‘mirning ulushi umumiy hajmning salkam 80 foiziga to‘g‘ri keladi.
2026-yil uchun esa respublika bo‘yicha ko‘mir qazib olish rejasi 9 million tonna etib belgilangan. Bu prognozda ham tarmoqdagi asosiy ishlab chiqaruvchi korxonalar, jumladan O‘zbekko‘mirning rejalashtirilgan hajmlari inobatga olingan.
Shu tariqa, hajmdan ko‘ra sifatga ustuvorlik berish siyosati umumiy respublika ko‘rsatkichlariga salbiy ta’sir ko‘rsatmasdan, aksincha, yuqori qo‘shimcha qiymatga ega mahsulot ulushini oshirishga xizmat qilmoqda.
“O‘zbekko‘mir” AJ Axborot xizmati
Oxirgi yangiliklar:
Barqaror rivojlaniş sari muhim qadam: “O‘zbekko‘mir” AJ ilk ESG hisobotini taqdim etdi
Bugun korxona faoliyatiga baho berişda faqat qança mahsulot işlab çiqarilgani yoki qança daromad olingani bilan çeklanilmaydi. Işlab çiqariş jarayonining atrof-muhitga ta...
O'qish
Oçiqlik − hisobdorlik va jamoat işonçi asosi
9 dekabr − Xalqaro korrupsiyaga qarşi kuraşiş kuni. Uşbu sana korrupsiyaning oldini olişda oçiqlik, şaffoflik va jamoatçilik nazoratining ahamiyatini yana bir bor eslatad...
O'qish
"O‘zbekko‘mir" AJning faol yoshlari Oliy Majlis faoliyati bilan tanishdilar
"O‘zbekko‘mir" AJning faol yoshlari Oliy Majlis faoliyati bilan tanishdilar "O‘zbekko‘mir" AJning bir guruh faol yoshlari O‘zbekiston Respublikasi Oliy Majlisiga...
O'qish
Brinfing: kondan xonadongacha: ko‘mir ta’minoti qanday kechmoqda?
Brinfing: kondan xonadongacha: ko‘mir ta’minoti qanday kechmoqda? 2026-yilda “O‘zbekko‘mir” AJ tomonidan 5,7 million tonna ko‘mir qazib chiqarish, shundan 1 milli...
O'qish