Yana oʻn nafar talabgor ishga joylashish uchun yoʻllanma oldi

21 sentyabr kuni “Oʻzbekkoʻmir” aksiyadorlik jamiyatida ishga qabul boʻyicha navbatdagi sinov imtihonlari oʻtkazildi. 

“Togʻ-kon uskunalarini sozlash zavodi” filialida tashkil etilgan sinov jarayonida ishga joylashish uchun ariza topshirgan nomzodlardan 20 nafari ishtirok etib, test sinovlari topshirdilar. Ularning 10 nafari test savollariga yetarli javob berdi va suhbatdan muvaffaqiyatli oʻtib, jamiyat filiallarida ishga joylashish uchun yoʻllanma oldilar. 

Maʼlumot uchun, jamiyat korxonalariga ishga joylashish istagida boʻlgan talabgorlar arizani onlayn topshiradi. Buning uchun ular jamiyatning internetdagi veb-saytiga kirib, oʻz bilim va malakasiga toʻgʻri keladigan kasblardan birini tanlaydi.

Muntazam ravishda yangilab borilayotgan boʻsh ish oʻrinlari roʻyxati boʻyicha hozirgi kunda koʻmir sanoati korxonalarida 86 kasbga oid 169 dan ortiq boʻsh ish oʻrni taklif etilgan. “Oʻzbekkoʻmir” AJda marksheyder, yuriskonsult, ekskavator mashinisti, ekskavator mashinisti yordamchisi, konveyer liniyasi mashinisti, avtosamosval haydovchisi, chilangar, kon ishchisi kabi mutaxassislarga talab yuqori. 

Korxonamizda mehnat qilishni istasangiz quyidagi havola orqali ariza qoldirishingiz mumkin: http://uzbekcoal.uz/uz/open-vac