Raqamli transformatsiya yoʻnalishi boʻyicha seminar tashkil qilindi
Nashr qilingan sana: 27.04.2023 19:41:53Togʻ-kon sanoati va geologiya vazirligida kon-metallurgiya korxonalarida raqamli transformatsiya yoʻnalishi boʻyicha amalga oshirilayotgan ishlarni tahlil qilish va oʻzaro tajriba almashish maqsadida vazirlikning raqamlashtirish sohasi masʼul xodimlari hamda "Olmaliq KMK" AJ, "Navoiy KMK" AJ, "Navoiyuran" DK, "Oʻzmetkombinat" AJ, "Oʻzbekkoʻmir" AJ vakillari ishtirokida seminar tashkil qilindi.
Tadbir davomida "Olmaliq KMK" AJ, "Navoiy KMK" AJ, "Navoiyuran" DKda raqamlashtirish va ishlab chiqarishni avtomatlashtirish boʻyicha 2022 yilda amalga oshirilgan ishlar yuzasidan taqdimotlar boʻlib oʻtdi.
Taqdimotlarga koʻra, "Olmaliq KMK" AJda 48 ta loyiha amalga oshirilib, 330 mlrd. soʻmdan ortiq mablagʻ tejalishiga erishilgan. "Navoiy KMK" AJda kombinatning 30 ta kon zaxiralari JORC standartlari asosida qayta baholangan va ularning 3D modellari yaratilgan.
Shuningdek, seminar davomida muammoli masalalar va ularning yechimlari boʻyicha fikr almashildi, 2023 yilda kon-transport kompleksi, texnologik va biznes jarayonlarini raqamlashtirish hamda ishlab chiqarish jarayonlarini avtomatlashtirish va zamonaviy axborot tizimlarini qoʻllash boʻyicha vazifalar belgilandi.
Seminar yakunida ishtrokchilar tomonidan raqamli transformatsiya yoʻnalishda amalga oshirilgan loyihalar bilan tanishish hamda kombinatlarda joriy etilgan dasturlar va tizimlarni yaqindan oʻrganish maqsadida kon-metallurgiya korxonalariga amaliy tashriflar tashkil etishga kelishib olindi.
Shamil Nigmatullin,
"Oʻzbekkoʻmir" AJ axborot texnologiyalari xizmati boshligʻi
Izohlar
Oxirgi yangiliklar:
Diqqat: “BelAZ” va “Komatsu” samosvallari haydovchilari kerak!
“O‘zbekko‘mir” aksiyadorlik jamiyati “BelAZ” hamda “KOMATSU” avtosamosvallarini boshqarish uchun yuqori malakali haydovchilarini ishga taklif qiladi. Aksiyadorlik jam...
O'qish“Koinot” oromgohi mavsumning 2-navbatini boshladi
Bugun “O‘zbekko‘mir” AJ xodimlari farzandlarining navbatdagi katta bir guruhi "Koinot" bolalar yozgi sog‘lomlashtirish oromgohiga mavsumning ikkinchi navbatida dam olish...
O'qish“O‘zbekko‘mir AJ aksiyadorlari diqqatiga!
“O‘zbekko‘mir” aksiyadorlik jamiyati aksiyadorlarining navbatdan tashqari umumiy yig‘ilishi o‘tkazilishi to‘g‘risida XABARNOMA “O‘zbekko‘mir” AJ Kuzatuv kenga...
O'qish“O‘zbekiston-2030” strategiyasi ijrosi muhokama qilindi
Kon-geologiya vazirligida “O‘zbekiston – 2030” strategiyasi ijrosi yuzasidan muhokama-munosabat tadbiri o‘tkazildi 2024-yil 28-iyunkuni Tog‘-kon sanoati va geologi...
O'qish