Joriy yilning 30 aprel kuni mamlakatimizda Oʻzbekiston Respublikasi Konstitutsiyaviy Qonuni loyihasi boʻyicha oʻtkaziladigan referendum munosabati bilan "Oʻzbekkoʻmir" AJ "Temir yoʻl transporti" filialida targʻibot tadbiri tashkil etildi.

"Konstitutsiya meniki, seniki, bizniki! Konstitutsiya oʻzimizniki!" shiori ostida oʻtkazilgan tadbirni jamiyat Birlashgan kasaba uyushma qoʻmitasi raisi A.Qayumov qisqacha kirish soʻzi bilan ochib berdi. Taniqli siyosiy sharhlovchi Qobilbek Karimbekov tadbirda ishtirok etib, konstitutsiyaviy islohotning zarurati va ahamiyati, ushbu Bosh qomusimizga kiritilayotgan oʻzgartirish va qoʻshimchalar haqida batafsil tushunchalar berdi. Turli sohada yuksak marralarga erishayotgan va yurtimizdagi yangilanishlar samarasida oʻz kasbi orqali obroʻ-eʼtibor topgan hamyurtlarimiz muhim siyosiy jarayon haqida oʻz fikrlarini bildirdilar. 

"Angren koʻmir koni" filiali texnik xodimi Fotima Turgʻunboyeva konchilar nomidan soʻzga chiqib referendum boʻyicha fikrlarini bayon qildi va soʻngida oʻz ijodidan namunalar oʻqidi.

"Ulugʻ yoʻl" gazetasi