Muhtarama opa-singillar!

Sizlarni bahorning eng go‘zal ayyomi – 8 mart, Xalqaro xotin-qizlar kuni munosabati bilan “O‘zbekko‘mir” aksiyadorlik jamiyati rahbariyati va shaxsan o‘z nomimdan samimiy muborakbod etaman.

Mamlakatimizda xotin-qizlarning huquq va manfaatlarini himoya qilish, ularning jamiyat hayotidagi o‘rni va nufuzini mustahkamlash davlat siyosatining ustuvor yo‘nalishlaridan biri hisoblanadi. Bugungi kunda aksiyadorlik jamiyatimiz jamoasida ham mingga yaqin xotin-qiz turli kasb va lavozimlarda samarali mehnat qilib, korxona rivoji va mamlakat iqtisodiyotiga munosib hissa qo‘shib kelmoqda.

Sizlar o‘zingizning bilimingiz, mas’uliyatingiz, fidokorona mehnatingiz va tashabbuskorligingiz bilan jamoamizda alohida hurmat va e’tiborga sazovor bo‘lib kelmoqdasiz. Shu bilan birga, oilada, farzand tarbiyasi va milliy qadriyatlarni asrab-avaylashda ham o‘rningiz beqiyosdir.

Jamiyatimizda xotin-qizlar uchun munosib mehnat sharoitlarini yaratish, ularni qo‘llab-quvvatlash, kasbiy va shaxsiy rivojlanishiga ko‘maklashish bundan buyon ham ustuvor vazifalarimizdan biri bo‘lib qoladi.

Aziz konchi-ayollar! Sizlarga mustahkam sog‘liq, baxt-saodat, xonadonlaringizga tinchlik-xotirjamlik va farovonlik tilayman. Ishlaringizda yutuqlar yor, hayotingizda esa doimo quvonch va bahoriy kayfiyat muvaffaqiyatlar hamroh bo‘lsin!

Bahoriy bayramingiz muborak bo‘lsin!

Hurmat bilan,

Nodirbek Dusmatov,

“O‘zbekko‘mir” AJ Bosh direktori