Botlar interaktiv xizmatlarning eng ommaviy shakli bo‘lib, jamoatchilik bilan aloqada muhim rol o‘ynaydi. “O‘zbekko‘mir” aksiyadorlik jamiyatida jismoniy va yuridik shaxslarga qulaylik yaratish maqsadida bir nechta botlar ishlab turibdi.

Zamonaviy texnologiyalar yordamida har kim telefon yordamida interaktiv aloqaga kirishi va savollariga tezda javob olishi mumkin. Botlar orqali fuqarolar davlat va jamoat tashkilotlari bilan oson muloqotga kira oladi.

Bot turlari: oddiy botlar: aniq savollarga javob beradi.
Ko‘p funktsiyali botlar: murojaatlarni qabul qilish, ma’lumot berish va foydalanuvchilar bilan muloqotni rag‘batlantirish kabi vazifalarni bajaradi.

Mavjud botlar: bugungi kunda Jamiyat axborot xizmati tomonidan:

@uzbekcoal_bot
@antikorrupsiya_uzcoal_bot
@Uzbekcoal_resumebot

kabi aloqa kanallari ishlab turibdi. Bu botlar fuqarolar bilan aloqani kengaytirish va ularning ehtiyojlarini aniqlashda yordam bermoqda.

Murojaatlar: botlarga kelib tushgan murojaatlar avtomatlashtirilgan tizim orqali ko‘rib chiqiladi va tegishli bo‘limlarga yo‘naltiriladi. Murojaatlar aniq va to‘g‘ri berilishi muhimdir, chunki anonim murojaatlar ko‘rib chiqilmaydi.

Izlanishlar: Jamiyatimizda interaktiv xizmatlarni takomillashtirish bo‘yicha izlanishlar davom etmoqda. Botlarning samaradorligini oshirish uchun foydalanuvchilardan olingan fikr-mulohazalar tahlil qilinadi va kelgusi faoliyatda ular e’tiborga olinadi.

Ilhom Bozorboyev,
“O‘zbekko‘mir” AJ Axborot xizmati mutaxassisi