Hozirda "Oʻzbekkoʻmir" AJ tarkibida 11 ta tarkibiy boʻlinma bor. Ularning aksariyati oʻnlab yillar davomida mavjud boʻlib, 1940-1950 yillarda barpo qilingan, boshqalari esa 1990-yillarda bozor islohotlarining oʻtish bosqichida paydo boʻlgan. Bular asosan yordamchi korxonalardir. Mahalliy koʻmir sanoatining eng muhim tarmoqlaridan korxonalaridan biri boʻlgan "Togʻ kon uskunalarini sozalsh zavodi" (TKUSZ) filiali ana shulardan biri hisoblanadi. 

Ushbu zavod 1943 yilda taʼmirlash-prokat bazasi (RPB) sifatida tashkil etildi. Bu yerda shaxta avtomobillari, elektr motorlar, nasoslar va boshqa kon uskunalari taʼmirlandi. 1946 yilda RPB "Oʻrtaosiyoshaxta qurilish" trestining markaziy elektromexanik ustaxonalariga (SEMM) aylantirildi, uning tarkibiga mexanik va chilangar ustaxonasi, elektr ustaxonasi va podstansiya tarmoqlari kirgan. 1948 yilda bu yerda rangli quyma ishlab chiqarish oʻzlashtirildi, 1949 yilda parovoz va ekskavatorlar taʼmirlandi.

1954 yilda korxona MTZ (markaziy taʼmirlash zavodi) nomini oldi. Mexanik sex, elektrotexnika ustaxonasi, buldozer va ekskavator sexi, poʻlat eritish pechiga ega quyish sexi, rangli quyma pech uchun yangi binolar qurildi.. Sexlar metallga ishlov berish, koʻtarish va quyish uskunalari bilan jihozlanib, zavodda murakkab togʻ-kon uskunalarini taʼmirlash, unga ehtiyot qismlar ishlab chiqarish yoʻlga qoʻyildi.

1970-yillarda MTZ nomi Markaziy elektromexanika ustaxonalari (MEMU) deb oʻzgartirildi. Angren konini rekonstruksiya qilish jarayonida yangi taʼmirlash inshootini qurishga qaror qilindi. Qurilish 1982 yilda "Oʻzbekshaxtaqurilish" tresti tomonidan boshlangan. Hozirgi zavod binolari 1985 yilda ishga tushirilgan. 1994 yildan buyon u "togʻ-kon uskunalarini sozlash zavodi" nomi bilan yubritib kelinmoqda.

Oʻshandan buyon bu yerda togʻ-kon ekskavatorlari va ularning kovshlari kapital taʼmirlanib, yigʻish qismlari uchun ehtiyot qismlar ishlab chiqariladi, elektr mashinalari va generatorlari, teplovoz va elektrovozlar, oʻzi tushiruvchi samosvallar kuzovlari, konveyer qurilmalari joriy taʼmirlanadi, nostandart uskunalar ishlab chiqariladi. Bir soʻz bilana ytganda, korxonada 500 nomdan ortiqroq ehtiyot va butlovchi qismlar oʻzlashtirilgan.

– Koʻmir sanoatining biron korxonasi  bizning zavodimiz mahsulotisiz, xizmatisimz ishlay olmasligini yaxshi tushunamiz, shu bois  ishchilarimiz har kuni keng qamrovli taʼmirlash-tiklash ishlari – payvandlash, izolatsiyalash, tokarlik ishlarini olib bormoqda, – deydi korxona bosh muhandisi Kiramiddin Abduvaliyev. – Joriy yilda ehtiyot qismlar ishlab chiqarish, harakatlanuvchi tarkibni joriy va kapital taʼmirlash, ekskavator parki uchun dvigatel va butlovchi qismlar, turli elektr jihozlari, konveyer oʻrnatish roliklari tayyorlash boʻyicha yuqori koʻrsatkichlarga erishayapmiz.

Zavod ishchilari nafaqat sanoatning barcha tarkibiy boʻlinmalarida, balki buyurtmalarga koʻra, boshqa korxonalarda ham taʼmirlash ishlarini olib borishadi. Boshqacha aytganda, korxona ustalarini angrenlik energetiklar va transport xodimlarini nihoyatda qadrlashadi. Masalan, Angren issiqlik elektr stansiyasi zavodga koʻplab buyurmalar beradi.

Yil davomida zavod ishchilari konveyer liniyasini uzatishda, "Angren koʻmir koni" filialiga qarashli 53-sonli saralash-maydalash majmuasini taʼmirlashni tashkil etishda ishtirok etdilar, bir qator payvandlash va elektromexanik ishlarni amalga oshirdilar. Ular 2021 yil dekabr oyida jiddiy avariyaga uchragan vagonlar poyezdi bilan birga elektrovozni ishga tushirdilar. Ularning yordami bilan rolikli tizim sozlandi va "Shimoliy" koʻmir xoʻjaligi ishga tushirildi.

Zavod mutaxassislari jamoasi agregatlar va elektr qurilmalar uchun turli xil ehtiyot qismlarni uzluksiz ishlab chiqarishni taʼminlaydi. Vites qutilari va elektr dvigatellarini yigʻish, demontaj qilish, izolatsiyalash masʼuliyati elektr taʼmirlash boʻlimi boshligʻi Alisher Qurbonovga boʻysunuvchi xodimlar zimmasiga yuklangan. Nostandart asbob-uskunalar boʻlimi boshligʻi Abdugʻani Xolbekov brigadasi "Angren" konini konveyer roliklari bilan taʼminlamoqda, konveyer liniyalarini oʻrnatish va texnik xizmat koʻrsatish sikl-oqim texnologiyasi boʻlimi boshligʻi Fahriddin Shakirovga yuklatilgan.

Mexanika boʻlimi boshligʻi Otabek Nasibaliyev boshchiligidagi tokar va tegirmonchilar koʻmir sanoatining barcha tarmoqlarini zarur ehtiyot qismlar bilan taʼminlamoqda.

Kamoliddin Yoʻldoshev boshchiligidagi harakatlanuvchi tarkibni taʼmirlash boʻlim jamoasi tomonidan joriy yilda 3 ta elektrovoz va ular uchun samosvallar toʻliq restavratsiya qilindi. Kombinatdagi eng yirik togʻ-kon ekskavatorlarini taʼmirlash sexiga rahbarlik qilayotgan Tohir Nizomovning 60 nafar kishilik taʼmirlash brigadasi bor. Zavod ishchilari rostlagich Asxat Gortakni ayniqsa qadrlashadi ‒ bu juda talabchan mutaxassis, buyurtmalar asosida u deyarli barcha filiallarda uskunalarni sozlash bilan shugʻullanadi. Va nihoyat, kesish va payvandlash ishlarini bajarish uchun moʻljallangan ballonlarda shoxchalarni gaz bilan taʼminlashga KQSH (kislorod quyish shoxobchasi) boshligʻi Jamshid Tursunov masʼul.