KCHM Group kompaniyasi vakillari bilan uchrashuv
Nashr qilingan sana: 24.04.2026 16:35:282026-yil 23-aprel kuni Toshkent shahridagi KCHM Group korxonasi vakillari bilan uchrashuv tashkil etildi. Uchrashuvning asosiy maqsadi 2026–2027 yillarga mo‘ljallangan texnikaga bo‘lgan ehtiyojlarni aniqlash, shuningdek, avval kompaniya tomonidan yetkazib berilgan texnikalardan foydalanish jarayonida yuzaga kelgan kamchilik va noqulayliklarni muhokama qilishdan iborat bo‘ldi.
Muzokaralar davomida korxona menejeri Solovyev D. hamkorlik uchun minnatdorchilik bildirib, 2025-yil davomida o‘zaro munosabatlarda ayrim uzilishlar kuzatilganini qayd etdi. Shu bilan birga, kelgusida bunday holatlarning oldini olish maqsadida kompaniya vakillari tomonidan tez-tez tashriflar amalga oshirilishi, yetkazib berilgan texnikalar holati doimiy nazoratda bo‘lishi ta’kidlandi.
Shuningdek, ehtiyot qismlarga ehtiyoj tug‘ilgan taqdirda, Toshkent shahridagi omborxonada yetarli zaxira shakllantirilgani va sifatli ehtiyot qismlarni tezkor yetkazib berish imkoniyati mavjudligi ma’lum qilindi. Servis xizmatida yuzaga kelishi mumkin bo‘lgan muammolarni hal etishda malakali mutaxassislar ko‘mak berishga tayyor ekani ham alohida qayd etildi.
Uchrashuv qisqa, ammo samarali va ikki tomon uchun manfaatli ruhda o‘tdi. Tomonlar hamkorlik samaradorligini yanada oshirishga qaratilgan istiqbolli loyihalar yuzasidan fikr almashdilar.
Qutlug‘ Teshaboyev,
Tashqi iqtisodiy aloqalar va innovvatsiya bo‘limi boshlig‘i
Oxirgi yangiliklar:
Murojaat o‘z tasdig‘ini topdi: mas’ul xodimlarga intizomiy choralar qo‘llanildi
“O‘zbekko‘mir” AJ murojaatlar boti orqali fuqaro M.A. Xudoyberdievadan “Ko‘mir ta’minot” MChJ Namangan filiali Uchqo‘rg‘on tumani ko‘mir ombori faoliyati yuzasidan m...
O'qish
Ko‘mir sohasidagi yangi islohotlar: bozor mexanizmlari va ijtimoiy himoya
O‘zbekiston Respublikasi Vazirlar Mahkamasining 2026-yil 30-iyuldagi 418-son qarori mamlakatda ko‘mir sanoatini yanada rivojlantirish, bozor mexanizmlarini keng joriy eti...
O'qish
Islom sivilizatsiyasi markazi – ma’naviy-ma’rifiy sayohatning bosh manzili
O‘zbekiston Respublikasi Prezidenti tashabbusi bilan barpo etilgan Islom sivilizatsiyasi markazi xalqimizning ko‘p asrlik ilmiy-ma’rifiy merosi va buyuk ajdodlarimiz qold...
O'qish
Milliy malaka tizimi rivojida tog‘-kon korxonalari ishtiroki muhokama qilindi
O‘zbekiston Respublikasi Tog‘-kon sanoati va geologiya vazirligi, Kambag‘allikni qisqartirish va bandlik vazirligi hamda Milliy malaka tizimini rivojlantirish instituti h...
O'qish