Yarim kechasi olib chiqilgan ko‘mir “Marg‘ilon” omboriga tegishli emas
Nashr qilingan sana: 09.12.2024 10:03:42Ijtimoiy tarmoqda "Margʻilon koʻmir ombori kimning nazoratida? Xalqning koʻmiri kimlarning choʻntagida?” sarlavhali tanqidiy videolavha tarqaldi.
(https://t.me/JAMOAT_NAZORATI/34318)
Videolavhada jamoatchi Elyorbek Madaminov tomonidan 2024-yil 7-dekabr tungi soat 3:00лар atrofida koʻmir omboridan koʻmir olib chiqilayotgan “Zil” avtoulovini toʻxtatilib, uning haydovchisi bilan suhbatlashganda, haydovchi hech qanday hujjat taqdim qilmagani, ushbu holat boʻyicha huquqni muhofaza qiluvchi idoralarga xabar qilingani va huquq xodimlari zudlik bilan voqea joyiga yetib kelib, avtomashinani jarima maydoniga olib ketgani aks ettirilgan.
“Koʻmir taʼminot” MCHJ Fargʻona viloyati filiali mutasaddilari tomonidan oʻtkazilgan oʻrganish natijasida “Zil” avtouloviga koʻmir “Said Ahmad” xususiy firmasi qarashli qoʻshni ombordan yuklangani aniqlandi. “Karajara” nomli ushbu qozoq koʻmiri xususiy tadbirkor tomonidan Qozogʻiston Respublikasidan keltirilgan boʻlib, uning “Koʻmir taʼminot” MCHJga qarashli Margʻilon hududiy koʻmir omboriga mutlaqo aloqasi yoʻq.
Maʼlumot uchun, aholiga moʻljallangan mahalliy koʻmir Vazirlar Mahkamasining 2022-yil 29-sentabrdagi 551-sonli qarori bilan tasdiqlangan “Respublika aholisini koʻmir mahsulotlari bilan taʼminlash tartibi toʻgʻrisida Nizom” asosida “Koʻmir taʼminot” MCHJga qarashi respublika hududiy koʻmir omborlari orqali tarqatilmoqda.
Biz ijtimoiy tarmoq yurituvchilaridan aholiga koʻmir tarqatish bilan bogʻliq masalani yoritishda mavzuni yetarli darajada oʻrganishlari muhimligini, haqiqatga toʻgʻri kelmaydigan, yolgʻon axborot tarqatish javobgarlikka sabab boʻlishini eslatib oʻtamiz.
“Oʻzbekkoʻmir” AJ Axborot xizmati
Izohlar
Oxirgi yangiliklar:

Zavodда “Zilzila” ҳолатидаги ҳаракатлар синовдан ўтказилди
29-iyul kuni “O‘zbekko‘mir” AJning “Tog‘ transport uskunalarini sozlash zavodi” filialida fuqarolar muhofazasi tuzilmalari, ishchi-xodimlar va volontyor qutqaruvchila...
O'qish
Korrupsiya haqida xabar berish – xavf emas, mas’uliyat
Siz boshlang – sizning ortingizdan boshqalar ham ergashadi. Korrupsiyaga duch kelsangiz quyidagi aloqa manzillariga murojaat qilishingizni so‘raymiz. Korru...
O'qish
O‘quv markazi – milliy liboslar bilan
Milliy liboslar kuni munosabati bilan “O‘zbekko‘mir” aksiyadorlik jamiyati qoshidagi O‘quv markazi jamoasi ham ushbu tashabbusni qo‘llab-quvvatladi va bugungi ish kun...
O'qish
Energiya samaradorligi – strategik vazifa
“O‘zbekko‘mir” AJda energiya resurslarini tejash va yo‘qotishlarni kamaytirish masalalariga bag‘ishlangan yig‘ilish bo‘lib o‘tdi. Jamiyat bosh direktori o‘rinbosar...
O'qish