Haftaning har payshanbasi rahbar va yoshlar kuni sifatida belgilangan bo‘lib, galdagi uchrashuv “Yashil makon” umummilliy eko harakati doirasida o‘tkazildi.

“O‘zbekko‘mir” aksiyadorlik jamiyatida navbatdagi rahbar va yoshlar uchrashuvi tashkil etildi. Mazkur uchrashuvda jamiyat bosh direktori N. Dusmatov, bosh direktorning birinchi o‘rinbosari O. Ismoilov hamda bosh muhandis V. Kuznetsov, shuningdek, tizimosti korxona rahbarlari bilan birgalikda tizimda faoliyat yuritayotgan eko-faol yosh xodimlar ishtirok etdi. Uchrashuv doirasida “Yashil makon” umummilliy loyihasi asosida bahorgi ko‘chat ekish ishlari amalga oshirildi.



 

Ma’lumot o‘rnida, 2026-yilda bugungi kunga qadar 5 ming tup ko‘chat ekildi. Yil yakuniga qadar yana 8 ming tup ko‘chat ekish rejalashtirilgan.

Tadbir davomida tizim yoshlari tomonidan rahbarga yurtimizda ekologik barqarorlikni ta’minlash, tabiatni asrash va yashil hududlarni kengaytirishga qaratilgan ilg‘or takliflar bildirildi. Ochiq muloqot tarzida o‘tgan uchrashuvda rahbar eko-faol yoshlarning tabiatni asrash, yashil hududlarni kengaytirish hamda ekologik tizimni kelajak avlodga sog‘lom va musaffo holda yetkazishda tutgan o‘rni beqiyos ekanini alohida ta’kidladi.

Shundan so‘ng tadbir ishtirokchilari belgilangan hududda ko‘kalamzorlashtirish va ko‘chat ekish ishlarini olib bordilar.

“O‘zbekko‘mir” AJ Axborot xizmati