“O‘zbekko‘mir” aksiyadorlik jamiyatida diniy ekstremizm, radikalizm va aqidaparastlik kabi yot g‘oyalarga qarshi ma’naviy-ma’rifiy kurashish, sog‘lom fikrli avlodni tarbiyalash maqsadida navbatdagi tadbir tashkil etildi.

Joriy yil 3 iyul kuni “Qurilish-montaj ishlari” filiali faollar zalida “Diniy ekstremizm, radikalizm, aqidaparastlik g‘oyalariga qarshi mafkuraviy immunitetni shakllantirish” mavzusida tashkil etilgan davra suhbatiga Jamiyatning barcha filiallaridan 200 nafar xodim, ayniqsa yoshlar jalq qilindi.

Tadbirda ishtirokchilarga mafkuraviy tahdidlar, yot g‘oyalar va ularning jamiyatga salbiy ta’siri, shuningdek, bunday oqimlardan himoyalanishda oila, ta’lim muassasalari va jamoa ahamiyati haqida atroflicha ma’lumotlar berildi.

“O‘zbekko‘mir” AJda bunday tadbirlar tizimli ravishda o‘tkazilib, xodimlarning ma’naviy-ma’rifiy bilimlarini mustahkamlashga xizmat qilmoqda.