Shavkat Mirziyoyev 11 may kuni 11 may kuni Prezident raisligida joylarda qayta tiklanuvchi energiya manbalarini joriy qilish ahvoli, yoz mavsumida energotizimning barqaror ishlashini taʼminlash borasida koʻrilayotgan choralar muhokamasi boʻyicha videoselektor yigʻilishi energiyani tejash masalasiga toʻxtalib oʻtdi. Bu haqda prezident matbuot xizmati xabar berdi.

Qayd etilishicha, Qarshi tumanidagi tadbirkor 10 gektar issiqxonani koʻmirda isitish loyihasini boshlagan. Loyiha doirasida koʻmirni sintez qilish orqali yiliga 2,8 million kub metr gaz iqtisod qilinib, 8 million kilovatt soat elektr energiyasi ishlab chiqariladi. Qolgan viloyatlarda ham shunday loyihalarni amalga oshirish boʻyicha dasturlar qabul qilish zarurligi taʼkidlandi.

Koʻmirga talab shu yilning oʻzida 1,5 baravarga oshishi kutilayotganini hisobga olib, joriy yilda koʻmir qazib chiqarishni 5,3 million tonnadan 6,5 million tonnaga olib chiqish zarurligi qayd etildi. Buning uchun "Angren" koʻmir koniga 80 million dollar kredit ajratiladi, "Shargʻun koʻmir"ning birinchi liniyasi ishga tushiriladi. Shuningdek, 14 ta koʻmir koniga tadbirkorlar jalb qilinadi.