“Ўзбеккўмир” АЖ: ёшлар қандай натижаларга эришмоқдалар?
Nashr qilingan sana: 10.02.2022 03:55:55“Ўзбеккўмир” акциядорлик жамиятида ёшларга оид давлат сиёсатини амалга оширишга қаратилган чора-тадбирлар дастури ижроси доирасида 2021 йилда қандай натижаларга эришилди? 2022 йилдаги режалар нималардан иборат?
Жорий йилнинг 9 февраль куни Жамият ижро аппарати фаоллар залида ташкил этилган Ёшлар иттифоқи етакчилар Кенгашининг ҳисобот йиғилишида ана шу масала атрофлича кўриб чиқилди.
Етакчилар кенгаши раиси Даврон Абдураҳмонов кенгаш томонидан йил давомида амалга оширилган ишлар бўйича ҳисобот берди. Таъкидландики, жамият тизимидаги корхоналарда меҳнат қилаётган ёшлар нафақат ишлаб чиқаришда, балки ижтимоий-сиёсий, маънавий жабҳаларда ҳам фаол иштирок этиб, ўз иқтидорларини тобора яққол намоён қилмоқдалар.
Жумладан, Ёшлар ишлари агентлиги ҳамда Ўзбекистон ХДП ҳамкорлигида ташкил этилган “Ёш сиёсатчи” кўрик-танловида жамият ёшлари шаҳар бўйича биринчи, вилоятда иккинчи ўринни қўлга киритиб, республика босқичига йўлланма олдилар. Энергетика вазирлиги томонидан май ойида ўтказилган “Ёшлик энергияси” халқаро форумида ҳам улар фаол қатнашиб, шарафли биринчи ўринни қўлга киритдилар. Ўзбекистон ёшлари форуми доирасида ташкил этилган “Иттифоқ кубоги мусобақаларида жамият ёшлар футбол жамоаси Ангрен шаҳридаги идора ва ташкилотлар вакилларини доғда қолдириб, кубок соҳибига айланишди. Жамият ёшлар иттифоқи етакчилар кенгаши раиси эса Ёшлар ишлари агентлиги республика кенгаши ҳамда Ёшлар иттифоқи марказий кенгаши томонидан ўтказилган "Йил етакчиси" кўрик-танловда мутлақ ғолиб деб топилди ва диплом ҳамда қимматбаҳо эсдалик совғаси билан тақдирланди.
Йиғилишда ёшлар фаоллигини оширишга қаратилган тадбирлар самарадорлигини таъминлаш учун мавжуд имкониятларни тўла ишга солиш, йўл қўйилган камчилик ва нуқсонларни бартараф этиш зарурлиги ҳам алоҳида қайд этилди. Жамият тизимида ёшлар сиёсатини амалга ошириш бўйича 2022 йилга мўлжалланган чора-тадбирлар дастури бандлари атрофлича муҳокама қилинди ҳамда тегишли қўшимча ва ўзгартишлар киритилган ҳолда тасдиқланди.
Тадбир якунида жамият тизимидаги корхоналарда 2021 йил давомида фаол иш олиб борган ёшлар етакчилари тақдирландилар.
"Ўзбеккўмир" АЖ ахборот хизмати
Oxirgi yangiliklar:
“Yoshlar bilan bir kun” aksiyasi doirasida uchrashuv
“O‘zbekko‘mir” AJ tasarrufidagi “TTUSZ” filialida “Yoshlar bilan bir kun” aksiyasi doirasida tadbir tashkil etildi. Unda “TTUSZ” filiali rahbari D. Kamalov hamda Bosh di...
O'qish
Ko‘mir mahsulotlarini realizatsiya qilish va aholiga yetkazib berish bo‘yicha
Ko‘mir narxlarining bozor tamoyillari asosida shakllanishi munosabati bilan ijtimoiy tarmoqlarda ko‘mir mahsulotining narxi va sifati, yetkazib beruvchilarni tanlash...
O'qish
Jamoa shartnomasi: huquq, kafolat va imtiyozlar muhokama markazida
“O‘zbekko‘mir” aksiyadorlik jamiyati tizimidagi filiallarda 2026–2028-yillarga mo‘ljallangan Jamoa shartnomasining mazmun-mohiyatini mehnat jamoalariga yetkazishga qarati...
O'qish
Murojaat o‘z tasdig‘ini topdi: mas’ul xodimlarga intizomiy choralar qo‘llanildi
“O‘zbekko‘mir” AJ murojaatlar boti orqali fuqaro M.A. Xudoyberdievadan “Ko‘mir ta’minot” MChJ Namangan filiali Uchqo‘rg‘on tumani ko‘mir ombori faoliyati yuzasidan m...
O'qish