Koʻmir omborlari masʼul xodimlari ogohlantirilmoqda
Nashr qilingan sana: 22.11.2023 02:52:04"Oʻzbekkoʻmir" AJ Ishchi guruhining navbatdagi kengaytirilgan yigʻilishi "Koʻmir taʼminot" MCHJ Qashqadaryo viloyati filialida oʻtkazildi.
9 dekabr – Xalqaro korrupsiyaga qarshi kurashish kuniga bagʻishlangan Aksilkorrupsiya oyligi tadbirlari doirasida filial va uning tasarrufidagi hududiy koʻmir omborlari masʼul xodimlari ishtirokida tashkil etilgan yigʻilishni "Oʻzbekkoʻmir" AJ Korrupsiyaga qarshi kurashish xizmati rahbari E.E.Amanov boshqarib bordi.
Soʻnggi haftalarda "Oʻzbekkoʻmir" AJga qarashli "Koʻmir taʼminot" MCHJ masʼul xodimlari tomonidan aholi va ijtimoiy soha obyektlari uchun berilishi lozim boʻlgan koʻmir mahsulotlarini talon-taroj qilish holatlarini huquq-tartibot organlari tadbirlari natijasida oshkor etildi va ularga nisbatan amaldagi qonun talablari asosida javobgarlikka tortildi. Yigʻilishda shu masala atroflicha muhokama etildi. Xususan, prokuratura organlari tomonidan "Koʻmir taʼminot" MCHJning Andijon, Namangan va Fargʻona va boshqa viloyatlaridagi filiallarining masʼul xodimlari tomonidan koʻmir mahsulotlarini shaxsiy manfaatlari yoʻlida talon-toroj qilganligi kechirib boʻlmas holat ekanligi qayd etildi.
Aholining koʻmir mahsulotlarini oʻz vaqtida arzon narxlarda xarid qila olmasligi va narxlarning sunʼiy oshirib yuborilishi asosli eʼtirozlarga sabab boʻlayotganligi, filial va ombor masʼul xodimlari tomonidan korrupsiya holatlarini keltirib chiqaruvchi omillar yetarli oʻrganmaganligi, koʻrgazmali targʻibot vositalari ham javob bermasligi, korrupsiyaga qarshi kurashish boʻyicha tadbirlar yetarli olib borilmayotganligi yigʻilishda qattiq tanqid qilindi.
Filiallar rahbarlari va omborlar masʼul xodimlari koʻmir ombori masʼul xodimlari bilan tuzilgan mehnat shartnomasiga korrupsiyaga qarshi kurashga oid "Qoʻshimcha kelishuv" bandlari kiritilgan. Yigʻilishda ana shu bandlar mazmun-mohiyati atroflicha tushuntirildi, aholiga moʻljallangan koʻmirni talon-taroj qilish, sunʼiy oshirilgan narxda sotish qonuniy javobgarlikka sabab boʻlishi haqida hududiy filial rahbari va omborlar mudirlari jiddiy ogohlantirildi, ulardan korrupsion holatlarga yoʻl qoʻymaslik haqida kafolat xatlari olindi.
Korrupsiyaga qarshi kurashish tadbirlari davom ettirilmoqda.
Oxirgi yangiliklar:
Angren ko‘mir konida ona tiliga bag‘ishlangan tadbir o‘tkazildi
«O‘zbekko‘mir» AJ Angren ko‘mir koni filialida o‘zbek tiliga davlat tili maqomi berilgan kun munosabati bilan ma’naviy-ma’rifiy tadbir tashkil etildi. Tadbirda O‘zbeki...
O'qish
Iste’molchi: “Ko‘mirning sifati ham, narxi ham ma’qul, uyga yetkazib berish xizmati ham bor”
Kuz-qish mavsumi oldidan tabiiy gaz yetib bormagan hududlar aholisini ko‘mir bilan ta’minlash dolzarb masalalardan biri. Namangan viloyatida bu yo‘nalishda sakkiz naf...
O'qish
Operatsion samaradorlik va mehnat unumdorligini oshirish masalalari muhokama qilindi
Joriy yilning 14-sentabr “O‘zbekko‘mir” aksiyadorlik jamiyatida operatsion samaradorlik va mehnat unumdorligini oshirishga qaratilgan tashabbuslarni amalga oshirish y...
O'qish
“O‘zbekko‘mir” AJ vakili “Rossiya energetika haftaligi ‒ 2026” xalqaro forumida ishtirok etmoqda
2026-yil 14–16-oktabr kunlari Moskva shahrida ”Rossiya energetika haftaligi ‒ 2026” IX xalqaro forumi bo‘lib o‘tmoqda. Yoqilg‘i-energetika sohasidagi muhim xalqaro tadbir...
O'qish