Xabaringiz bor, "Oʻzbekkoʻmir" AJga qarashli "Koʻmir  taʼminot" MCHJ hududiy filiallarida Bosh direktor tomonidan tasdiqlangan ishchi guruh korrupsiyaning oldini olish maqsadida tadbirlar oʻtkazib kelmoqda.

Navbatdagi nazorat tadbiri "Koʻmir taʼminot" MCHJ Qashqadaryo  viloyat filialining Gʻuzor koʻmir omborida oʻtkazildi. Omborda xaridorlarga xizmat koʻrsatishning ahvoli oʻrganildi, ombor masʼul xodimlari va mahalliy fuqarolar bilan suhbat olib borildi.

Jarayonda filial va koʻmir omborlari masʼul xodimlari tomonidan korrupsion holatlarni keltirib chiqaruvchi omillar yetarli oʻrganilmaganligi, xodimlar bilan korrupsiyaga qarshi suhbatlar muntazam oʻtkazilmaganligi, koʻrgazmali targʻibot vositalari ham javob bermasligi aniqlandi va ushbu kamchiliklarni bartaraf etish yuzasidan zarur koʻrsatmalar berildi.

Shu bilan birga, koʻmir ombori masʼul xodimlari bilan tuzilgan mehnat shartnomasiga korrupsiyaga qarshi kurashga oid bandlar kiritish toʻgʻrisida "Qoʻshimcha kelishuv"ning mazmun-mohiyatini atroflicha tushuntirilib, aholiga moʻljallangan koʻmirni talon-taroj qilish, sunʼiy oshirilgan narxda sotish kabi holatlarga yoʻl qoʻyish javobgarlikka sabab boʻlishi haqida qatʼiy ogohlantirildi.