“O‘zbekko‘mir” AJ: ko‘mir qazib olish hajmi 127,9 foizga oshdi
Nashr qilingan sana: 30.04.2025 12:56:12
Bugun AOKAda o‘tkazilgan brifingda “O‘zbekko‘mir” AJ axborot xizmati rahbari Ne’mat Dushayev 2025 yil uchun ko‘mir resurslari va iste’mol balansi ko‘rsatkichlarining yanvar-mart oylaridagi ijrosi haqida ma’lumot berdi.
15:30 / 30.04.2025
Qayd etilishicha, joriy yilning birinchi choragida jamiyat tomonidan 7,5 million metr kub hajmida kon yuzasini ochish ishlari amalga oshirildi. Bu boradagi rejalar “Angren”, “Apartak” ochiq konlari hamda yer osti usulidagi konlarda muvaffaqiyatli bajarildi. Bu ko‘rsatkich o‘tgan yilning shu davriga nisbatan 173,5 foizga ko‘pdir.
Qazib olingan ko‘mir miqdori esa 1 million 100 ming tonnani tashkil etdi. Shu jumladan, “Angren” ko‘mir konida 1 million 37 ming tonna, “Apartak”da 88,4 ming tonna, yer osti usulidagi konda 15 ming 100 tonna ko‘mir qazib chiqarildi. Umumiy ko‘mir qazib olish hajmi o‘tgan yilning shu davriga nisbatan 127,9 foizga oshgani ta’kidlandi.
Shuningdek, birinchi chorakda iste’molchilarga yetkazib berilgan ko‘mir miqdori 1 million 700 ming tonnani tashkil etdi. Shundan 1 million 200 ming tonnasi issiqlik elektr stansiyalariga, 9 ming 100 tonnasi byudjet tashkilotlariga, 148,2 ming tonnasi aholi ehtiyojlari uchun yetkazilgan. Birja savdolari orqali esa 291,7 ming tonna ko‘mir sotilgan. Yil yakuniga qadar 6,8 million tonna ko‘mir qazib olish va 6,76 million tonna mahsulotni iste’molchilarga yetkazish rejalashtirilgan.
– Jamiyatda konlarni modernizatsiya qilish va texnologik yangilash ishlari ham olib borilmoqda. Jumladan, “Angren” kon maydoniga “Hitachi EX2600” rusumli ekskavator olib kelindi. Ushbu texnika yordamida ko‘mir ustki qatlamini ochish samaradorligi yanada oshadi. Shuningdek, “Janubiy” konveyerning ikkinchi liniyasida amalga oshirilgan rekonstruksiya natijasida sutkalik ko‘mir tashish quvvati 5 ming tonnadan 7 ming tonnagacha oshishi kutilmoqda. Shuningdek, tashkilotimiz “Yashil belbog‘” umummilliy loyihasi doirasida atrof-muhitni obodonlashtirish ishlariga ham e’tibor qaratyapti. Xususan, bahorgi ekish mavsumida 1,3 gektar maydonda 10 ming tub daraxt ko‘chatlari ekildi, – dedi N.Dushayev.
N.Ziyodullayeva, O‘zA
Oxirgi yangiliklar:
Pensiya ta’minoti tizimidagi yangiliklar muhokama qilindi
“O‘zbekko‘mir” AJda pensiya ta’minoti tizimini isloh qilishga qaratilgan Prezident farmoni loyihasining mazmun-mohiyatiga bag‘ishlangan o‘quv seminari o‘tkazildi....
O'qish
Ko‘mir bor joyda tabiatga ham e’tibor bor
Bilamizki, bir tonna ko‘mir faqat energiya manbaigina emas. U tabiat oldidagi mas’uliyatni ham anglatadi. Uni qazib olish, saralash, tashish va saqlashning har bir b...
O'qish
Kuz-qish mavsumi: favqulodda vaziyatlarga tayyorgarlik kuchaytirilmoqda
Kuz-qish mavsumiga tayyorgarlik ko‘rish, favqulodda vaziyatlarning oldini olish va energetika sohasi ob’ektlarining mavsumiy barqarorligini ta’minlash maqsadida...
O'qish
Ish jarayonida ham sportga hamisha vaqt topiladi
Korxonamizda xodimlarning bo‘sh vaqtlarini mazmunli o‘tkazishi, jismoniy faolligini oshirishi va sog‘lom turmush tarziga amal qilishi uchun barcha zarur sharoitlar y...
O'qish