Buxoro shahrida ish beruvchilar tomonidan bitiruvchilar uchun navbatdagi “Talaba Expo-2025” mehnat yarmarkasi tashkil etildi. Tadbirda “O‘zbekko‘mir” AJ ham ish beruvchi sifatida o‘zida mavjud bo‘sh ish o‘rinlari bilan qatnashdi.

Tadbir tafsilotlari

🔹320 dan ortiq ish beruvchi tashkilot 2150 ta bo‘sh ish o‘rni bilan ishtirok etdi;

🔹9235 nafar yosh yarmarkaga tashrif buyurdi;

🔹2500 ga yaqin ishtirokchi ish beruvchilar bilan suhbatdan o‘tdi;

🔹1031 nafar yosh ishga joylashishga muvaffaq bo‘ldi;

🔹72 nafar ishtirokchi o‘z tadbirkorlik loyihasini taqdim etdi.

Yarmarka davomida “Tashqi iqtisodiy faoliyat milliy banki” AJ tomonidan yoshlar uchun “Kelajakka ilk qadam”, “Kelajak uchun start” va “Yorug‘ kelajak sari” kabi uchta yangi kredit mahsulotlari taqdim etildi. Ushbu xizmatlar yoshlarning amaliy g‘oyalarini hayotga tatbiq etishda muhim omil bo‘lib xizmat qiladi.