"O‘zbekko‘mir" AJ "Angren ko‘mir koni" filiali xodimlari haftaning har juma kunini an’anaga aylangan ishlab chiqarish gimnastikasi mashqlari bilan boshlaydilar.

Mazkur sport mashg‘ulotlari sog‘lom turmush tarzini keng targ‘ib etish, xodimlar salomatligini mustahkamlash, jismoniy faollikni oshirish hamda mehnat unumdorligini yuksaltirishga xizmat qilmoqda. Shuningdek, bunday mashg‘ulotlar jamoada hamjihatlik va birdamlik muhitini mustahkamlab, xodimlarning ish kunini ko‘tarinki kayfiyatda boshlashlariga zamin yaratadi.

Jismoniy faollik nafaqat inson salomatligini mustahkamlaydi, balki mehnat samaradorligini oshirish, kasbiy faoliyat davomida yuqori natijalarga erishish va xavfsiz mehnat madaniyatini shakllantirishda ham muhim omil hisoblanadi.

"O‘zbekko‘mir" AJda xodimlar salomatligini asrash, sog‘lom turmush tarzini qo‘llab-quvvatlash va sportni ommalashtirish doimiy e’tibor markazida bo‘lib, bu boradagi tadbirlar muntazam ravishda tashkil etib kelinmoqda.

Sog‘lom xodim — unumli mehnat, kuchli jamoa va barqaror taraqqiyot garovidir.

Sport — salomatlik va samarali mehnat garovi!